యూపీ: ఆందోళనల్లో పోలీస్ వ్యాన్‌కు నిప్పు.. స్వచ్చందంగా 6.27 లక్షలు చెల్లించిన జనం!

నోటీసులు పంపిన విషయం తెలిసిందే. ఆస్తులను ధ్వంసంచేసిన వారిని గుర్తించిన అధికారులు.. నష్టపరిహారం చెల్లించాలని నోటీసుల్లో పేర్కొన్నారు. ఈ నేపథ్యంలో జిల్లా ఉపీర్‌కోట్‌ ప్రాంతానికి చెందిన కొందరు స్వచ్ఛందంగా నష్టపరిహారాన్ని ప్రభుత్వానికి చెల్లించారు. ప్రభుత్వ ఆస్తులకు నష్టం కలిగించినందుకు పశ్చాత్తాపం చెందుతూ రూ.6.27 లక్షలు స్వచ్ఛందంగా చెల్లించడం విశేషం. ఈ మేరకు ఉపీర్‌కోట్‌కు చెందిన ప్రతినిధులు డిమాండ్ డ్రాఫ్ట్‌ను జిల్లా కలెక్టర్ రవీంద్ర కుమార్, సీనియర్ ఎస్పీ సంతోష్ కుమార్ సింగ్ సమక్షంలో శుక్రవారం అందజేశారు. భవిష్యత్తులో ఇలాంటి చర్యలకు పాల్పడబోమని ప్రతిజ్ఞ‌ చేస్తూ స్థానిక రాజకీయ నేత షకిహుల్లా నేతృత్వంలోని ముస్లింలు ఓ లేఖను కూడా కలెక్టర్‌కు ఇచ్చారు. దీనిపై ఎస్పీ మాట్లాడుతూ.. ఆస్తులను ధ్వంసం చేసిన వ్యక్తులను గుర్తించిన నోటీసులు పంపి, సొత్తు రికవరీ చేయడం చాలా ప్రసహనమని.. స్వచ్ఛందంగా ముందుకు వచ్చి చెల్లించడం చాలా శుభ పరిణామమని అన్నారు. డిసెంబరు 20 నాటి హింసాత్మక ఘటనల తర్వాత బులందషర్‌లో శాంతిభద్రతలపై మీరట్ ఐజీ అలోక్ సింగ్, కమిషనర్ అనితా మెష్రామ్‌తో జరిగిన సమావేశంలో స్వచ్ఛందంగా పరిహారం చెల్లించాలనే ఆలోచన వచ్చిందని అన్నారు. హింసాత్మక ఘటనపై స్థానిక కార్పొరేటర్ భర్త విచారణం వ్యక్తం చేస్తూ ఆస్తులను ధ్వంసం చేసినవారు పరిహారం చెల్లించడానికి సిద్ధంగా ఉన్నట్టు తెలిపారని వివరించారు. బులంద్‌షహర్‌లో ఆందోళనకారులు పోలీసు వాహనానికి నిప్పంటించారని, శాంతిభద్రతలపై జరిగిన సమావేశంలో కొత్తది కొనుగోలుచేసి ఇస్తామని చెప్పారన్నారు. నిప్పంటించిన వాహనం లాంటిది అందుబాటులో లేకపోవడంతో దానికి అయ్యే మొత్తాన్ని అధికారులకు చెల్లించారని విశ్వసనీయ వర్గాలు తెలిపాయి. మరోవైపు, ప్రజా, ప్రభుత్వ ఆస్తులకు నష్టం కలిగించి, హింసకు ప్రేరేపించినవారిపై కఠిన చర్యలకు యూపీ ప్రభుత్వం ఉపక్రమించింది. ఇప్పటికే యూపీలో పలు జిల్లాల్లో 130 మందిని గుర్తించిన అధికారులు.. నోటీసులు పంపారు. అంతేకాదు, దాడుల్లో ధ్వంసమైన ఆస్తులకు సంబంధించి రూ.50 లక్షలు చెల్లించాలని అందులో పేర్కొన్నారు.

from Telugu News Live | Today News in Telugu | తాజా తెలుగు వార్తలు https://ift.tt/2QsLVLI