హైదరాబాద్‌లో యువతి అదృశ్యం... ప్రియుడి కోసం వెళ్తున్నానంటూ లేఖ

నగర శివారులోని మల్లంపేట్‌లో 19 ఏళ్ల యువతి అదృశ్యమైంది. మల్లంపేట్‌కు చెందిన గాయత్రి స్థానికంగా ఉండే ఓ సూపర్‌ మార్కెట్‌లో క్యాషియర్‌గా పనిచేస్తోంది. బుధవారం మధ్యాహ్నం ఒంటి గంటకు విధులకు వెళ్తున్నానంటూ చెప్పి ఇంటి నుంచి బయలుదేరిన ఆమె రాత్రి పది గంటలు దాటినా తిరిగి రాకపోవడంతో కుటుంబసభ్యులు ఫోన్‌ చేశారు. అయితే ఫోన్ స్విచ్ఛాఫ్‌ రావడంతో సూపర్ మార్కెట్‌ సిబ్బందిని సంప్రదించగా..అసలు విధులకే హాజరు కాలేదని చెప్పారు. Also Read: దీంతో రాత్రివేళ బంధువులు, ఆమె స్నేహితులను సంప్రదించినా ఫలితం లేకపోయింది. దీంతో ఆమె అన్న బొల్లారం పోలీస్‌స్టేషన్‌లో ఫిర్యాదు చేశాడు. అయితే ఆ ప్రాంతం తమ పరిధిలోకి రాదని పోలీసులు చెప్పడంతో బాచుపల్లి పీఎస్‌కు వెళ్లాడు. అక్కడి పోలీసులు జీరో ఎఫ్ఐఆర్ నమోదు చేసి అర్ధరాత్రి ఒంటి గంట సమయంలో దుండిగల్ స్టేషన్‌కు బదిలీ చేశారు. దీంతో ఎస్సై శేఖర్‌ రెడ్డి ఆధ్వర్యంలో పోలీసులు రంగంలోకి దిగి విచారణ చేపట్టారు. Also Read: గాయత్రికి ఇటీవల పెళ్లి నిశ్చయమైనట్లు తెలుసుకుని ఆ కోణంలో విచారణ చేపట్టారు. ఈ నేపథ్యంలో ఆమె ఇంట్లో వదలివెళ్లిన లేఖను స్వాధీనం చేసుకున్నారు. తనకు పెద్దలు కుదిర్చిన వివాహం ఇష్టం లేదని, ప్రేమించిన వాడిని పెళ్లి చేసుకోవడానికి విజయనగరం వెళ్తున్నానని అందులో రాసింది. తన కోసం వెతక్కొద్దంటూ సలహా కూడా ఇచ్చింది. దీంతో పోలీసులు గాయత్రి పనిచేసే సూపర్‌ మార్కెట్‌లో ఆమె కోసం ఆరా తీశారు. గాయత్రి పక్కా ప్లాన్ ప్రకారం ఉద్యోగానికి రాజీనామా చేసి.. పీఎఫ్ డబ్బులు కూడా తీసుకున్నట్లు అక్కడివారు చెప్పడంతో అంతా షాకయ్యారు. గాయత్రి కోసం పోలీసులు గాలిస్తున్నారు. Also Read:

from Telugu News Live | Today News in Telugu | తాజా తెలుగు వార్తలు https://ift.tt/36QlJ4j