గంజాయి అడ్డాగా హైదరాబాద్.. మరో ముఠా పట్టివేత!

మహానగరం గంజాయి, డ్రగ్స్‌కు అడ్డాగా మారుతోంది. కొన్ని రోజుల వ్యవధిలోనే పలు డ్రగ్స్ ముఠాలను పోలీసులు పట్టుకున్నారు. అయినా భాగ్యనగరానికి డ్రగ్స్ సరఫరా ఆగడం లేదు. తాజాగా, హైదరాబాద్‌లో మరో ముఠా పోలీసులకు పట్టుబడింది. విశాఖపట్నం నుంచి ఆరుగురు వ్యక్తులు హైదరాబాద్‌కు గంజాయి తరలిస్తుండగా పక్కా సమాచారంతో దాడి చేసిన టాస్క్ ఫోర్స్ పోలీసులు నిందితులను రెడ్‌హ్యాండెట్‌గా పట్టుకున్నారు. ఈ సందర్భంగా రెండు కార్లలో తరలిస్తున్న గంజాయిని స్వాధీనం చేసుకుని నిందితులను అరెస్టు చేశారు. Also Read: హైదరాబాద్‌, పాతబస్తీలోని సంతోష్‌నగర్ పరిధిలో ఆకస్మిక దాడులు చేసిన పోలీసులు రెండు కార్లలో తరలిస్తున్న 400 కిలోల గంజాయి స్వాధీనం చేసుకున్నారు. అలాగే ఆరుగురిని అదుపులోకి తీసుకున్నారు. ఈ ముఠా నుంచి రెండు కార్లు స్వాధీనం చేసుకున్నారు. విచారణ నిమిత్తం ఆరుగురిని చంద్రాయణగుట్ట పోలీసులకు ఈస్ట్ జోన్ టాస్క్ ఫోర్స్ సిబ్బంది అప్పగించారు. నూతన సంవత్సర వేడుకలను టార్గెట్‌గా చేసుకుని హైదరాబాద్ మహానగరంలో డ్రగ్స్ అక్రమ రవాణా చేస్తున్న ముఠాను గురువారం పోలీసులు అరెస్టు చేసిన విషయం తెలిసిందే. వారి నుంచి రూ. 15 లక్షల విలువైన బ్రౌన్‌షుగర్, గంజాయి, కారు స్వాధీనం చేసుకున్నారు. ఈ ఘటనను మరువకముందే మరో గంజాయి ముఠాను హైదరాబాద్‌ పోలీసులు అరెస్టు చేశారు. Also Read:

from Telugu News Live | Today News in Telugu | తాజా తెలుగు వార్తలు https://ift.tt/2tZZ1Zt