హైదరాబాద్‌లో కీచక డాక్టర్.. చికిత్సకు వచ్చిన మహిళపై అఘాయిత్యం

కడుపునొప్పితో బాధపడుతూ చికిత్స కోసం వచ్చిన మహిళ పట్ల ఓ డాక్టర్ అత్యాచారానికి యత్నించిన ఘటన చాంద్రాయణగుట్ట పోలీసుస్టేషన్ పరిధిలో జరిగింది. పాతబస్తీ యాఖుత్‌పురా ఈదీబజార్‌ ప్రాంతానికి చెందిన డాక్టర్ అలీయుద్దీన్‌ అహ్మద్‌ రాహి (72) బండ్లగూడలో క్లినిక్‌ను నిర్వహిస్తున్నాడు. కడుపు నొప్పి బాధపడుతున్న బండ్లగూడకు చెందిన ఓ వివాహిత(22) ఈ నెల 16వ తేదీన భర్తతో కలిసి క్లినిక్‌కు వచ్చింది. Also Read: భర్తను బయటే ఉండమని చెప్పిన డాక్టర్ రాహి.. బాధితురాలిని లోనికి పిలిచి వివరాలు కనుక్కున్నాడు. చికిత్స నెపంతో ఆమెపై చేతులు వేసి అసభ్యంగా ప్రవర్తించాడు. లోపల తలుపు వేసి అఘాయిత్యం చేసేందుకు యత్నించగా బాధితురాలు అతడిని తోసేసి బయటకు పరుగు తీసింది. ఈ ఘటనపై డాక్టర్‌ను నిలదీసిన బాధితురాలి భర్త.. పరువు పోతుందన్న భయంతో పోలీసులకు ఫిర్యాదు చేయకుండా భార్యను ఇంటికి తీసుకెళ్లిపోయాడు. Also Read: ఈ జరిగిన విషయం తెలుసుకున్న అత్త, ఆడపడుచుల సలహాతో బాధితురాలు బుధవారం రాత్రి చాంద్రాయణగుట్ట పోలీసులకు ఫిర్యాదు చేసింది. దీంతో కేసు నమోదు చేసుకున్న పోలీసులు డాక్టర్ ఎ.ఎ.రాహిని గురువారం సాయంత్రం అరెస్టు చేసి రిమాండుకు తరలించారు. Also Read:

from Telugu News Live | Today News in Telugu | తాజా తెలుగు వార్తలు https://ift.tt/2EB2DTF