భార్య ప్రవర్తనపై అనుమానం.. గొంతు నులిచి కిరాతకంగా చంపేసిన భర్త

ప్రేమించి పెళ్లి చేసుకున్న భార్య పరాయి వ్యక్తితో అక్రమ సంబంధం పెట్టుకుందన్న అనుమానంతో ఓ వ్యక్తి ఆమెను కిరాతకంగా చంపేసిన ఘటన విశాఖ నగరంలోని మధురవాడ వాంబే కాలనీలో జరిగింది. శ్రీకాకుళం జిల్లా నరసన్నపేట ప్రాంతానికి చెందిన జోగి శ్రీనివాసరావు, విశాఖ ఊర్వశి కూడలి ప్రాంతానికి చెందిన మైలపల్లి భారతి(28)ని ప్రేమించి పదేళ్ల క్రితం పెళ్లి చేసుకున్నాడు. వీరికి ఇద్దరు కుమార్తెలున్నారు. Also Read: శ్రీనివాసరావు ఆటో డ్రైవర్‌గా పనిచేస్తుండగా, భారతి టైలరింగ్ పనిచేస్తూ భర్తకు చేదోడువాదోడుగా ఉంటోంది. వీరు ప్రస్తుతం మధురవాడ వాంబేకాలనీ బ్లాక్‌ నెంబరు 15లో నివాసం ఉంటున్నారు. టైలరింగ్ పనిచేసే భార్య రోజంతా ఇంట్లోనే ఉంటుండటంతో శ్రీనివాసరావుకు ఆమెకు అనుమానం వచ్చింది. తాను లేని సమయంలో మరో వ్యక్తితో అక్రమ సంబంధం పెట్టుకుందని అనుమానిస్తూ వేధిస్తున్నాడు. దీంతో ఆమె కొద్దిరోజుల క్రితం ఇద్దరు పిల్లలను తీసుకుని పుట్టింటికి వెళ్లిపోయింది. Also Read: బుధవారం అత్తవారింటికి వెళ్లిన శ్రీనివాసరావు భార్యను బాగా చూసుకుంటానని చెప్పి తిరిగి ఇంటికి తీసుకొచ్చాడు. రాత్రివేళ ఆమెతో గొడవపడి ఆవేశంలో తాడును మెడకు చుట్టి హత్య చేశాడు. ఈ ఘటనపై సమాచారం అందుకున్న పోలీసులు వెంటనే అక్కడికి చేరుకుని నిందితుడిని అరెస్ట్ చేశారు. తల్లి హత్యకు గురి కావడం, తండ్రి జైలుకి వెళ్లడంతో అభం, శుభం తెలియని ఆడపిల్లలిద్దరూ అనాథలుగా మారారు. Also Read:

from Telugu News Live | Today News in Telugu | తాజా తెలుగు వార్తలు https://ift.tt/2vavdtK