నిర్భయ దోషుల ఉరితీతకు ఆ తలారీనే ఎందుకు?

దిల్లీకి చెందిన నిర్భయ దారుణ అత్యాచార కేసులో నలుగురు దోషులు అక్షయ్, పవన్ గుప్తా, వినయ్ శర్మ, ముకేశ్‌ సింగ్‌లు శుక్రవారం ఉదయం 5.30 గంటలకు ఉరి కొయ్యకు వేలాడిన సంగతి తెలిసిందే. మీరట్ నుంచి వచ్చిన తలారీ (ఉరి తీసే వ్యక్తి) పవన్‌ జలాద్‌ అనే వ్యక్తి తీహాడ్ జైలులో వారిని ఉరి తీశారు. అయితే, వీరిని ఉరి తీసేందుకు పవన్ జల్లాడ్‌నే ఎందుకు ఎంపిక చేశారనే అంశం ఆసక్తికరంగా మారింది. ఓ సారి ఇతని పూర్వాపరాలు పరిశీలిస్తే... Also Read: ఉత్తర్ ప్రదేశ్‌లోని మీరట్‌కు చెందిన వ్యక్తి ప‌వ‌న్ జ‌ల్లాడ్‌. దోషులను ఉరి తీయ‌డంలో అత‌నే స్పెష‌లిస్టు. ఇతని తండ్రి కూడా గతంలో జైళ్లలో దోషులను ఉరి తీసేవారు. పవన్‌కు చెందిన మూడు త‌రాల‌కు చెందిన వారు ఉరితీత వృత్తిలోనే కొన‌సాగారు. త‌మ పూర్వీకుల నుంచే ఉరి తీసే పద్ధతుల్ని తాను నేర్చుకున్నట్లు పవన్ ఓ జాతీయ వార్తా సంస్థతో అన్నారు. ఉరితీసేందుకు ప్రత్యేకంగా అనుభవం కావాలా? అన్న సందేహం చాలా మందిలోనూ ఉంటుంది. కానీ, తాడు వ్యాసం, దానికి పద్ధతిగా ఉరి ముడి వేయడం, నిర్దేశిత పొడవులో కొయ్యకు కట్టడం.. వంటి ఎన్నో ప్రమాణాలను పరిగణనలోకి తీసుకోవాల్సి ఉంటుందని జైలు అధికారులు చెప్పారు. అందుకే, దీనిపై నైపుణ్యం లేని అధికారులకు ఉరి వేసేందుకు అర్హులు కాబోరని వెల్లడించారు. ఉరి కొయ్యను బిగించడంలో ప‌వ‌న్‌‌ తల్లాడ్‌కు ఉన్న అనుభవం నేపథ్యంలో జైలు అధికారులకు ఆయనపై అపార న‌మ్మకం ఉంది. అత‌ను ఉరి తీస్తే తర్వాత అందులో ఎటువంటి పొర‌పాట్లు జరగవని పవన్‌కు తొలి ప్రాధాన్యం ఇచ్చారు. Also Read: కుటుంబ నేపథ్యమిదీ.. ప‌వ‌న్‌ తల్లాడ్‌కు భార్య, ఇద్దరు పిల్లలు ఉన్నారు. యూపీకి చెందిన ఓ వార్తా సంస్థ రిపోర్ట్ చేసిన వివరాల ప్రకారం.. ప్రస్తుతం అతను ఆర్థిక ఇబ్బందుల్లో ఉన్నారు. ప‌వ‌న్ చిన్న కుమారుడు కూడా ఇదే వృత్తిని ఎంపిక చేసుకున్నట్లుగా తెలుస్తోంది. నిర్భయ దోషుల్లో ఒక్కో దోషిని ఉరి తీసినందుకు పవన్‌కు రూ.20 వేలు ఫీజు రూపంలో అందుతుందని జైలు అధికారులు తెలిపారు. తలారీలకు నెలవారి జీతం ఉండదని, కేవలం నెలకు రూ.3 వేల చొప్పున స్టైఫండ్ మాత్రమే ఉంటుందని పవన్ జల్లాడ్ వివరించారు. Must Read: నిర్భయ దోషులకు ఉరితీత తర్వాత తలారీ పవన్ జల్లాడ్‌కు వైద్య పరీక్షలు నిర్వహించారు. పవన్‌ మానసిక పరిస్థితి పరీక్షించి, అతని మానసిక పరిస్థితి సరిగ్గానే ఉందని వైద్యులు అతనికి ధ్రువపత్రం అందజేశారు. నలుగురు దోషులకు ఒకేసారి ఉరిశిక్ష అమలు చేశాడు కాబట్టి అతని ఆరోగ్య పరిస్థితి, మానసిక స్థైర్యం వంటి అంశాలు పరీక్షించి, ఎస్కార్టులతో పవన్‌ను తీహాడ్ జైలు నుంచి పంపేశారు. Must Read:

from Telugu News Live | Today News in Telugu | తాజా తెలుగు వార్తలు https://ift.tt/2Ulld9U