సోమాలియాలో ఆత్మాహుతి దాడి.. 90 మంది మృతి

తీవ్ర దుర్భిక్షంలో ఉన్న ఆఫ్రికా దేశం సోమాలియాలో ఉగ్రవాదులు పేట్రేగిపోయారు. రాజధాని మొగదిషులో శనివారం కారు సంభవించి 90 మంది ప్రాణాలు కోల్పోయారు. ఈ ఘటనలో మరో 100 మంది గాయపడ్డారు. బాధితుల్లో ఎక్కువ మంది యూనివర్సిటీ విద్యార్థులే కావడం బాధాకరం. విద్యార్థులు ప్రయాణిస్తున్న బస్సును బాంబులతో ఉన్న కారు ఢీ కొట్టింది. పన్ను వసూలు కేంద్రం వద్ద ఉదయం వేళ రద్దీగా ఉన్నప్పుడు ఈ పేలుడు సంభవించింది. మృతుల్లో చిన్నారులు, విద్యార్థులు అధికంగా ఉన్నారు. అల్‌ ఖైదా అనుబంధ ఉగ్ర సంస్థ అల్‌ షెహబాబ్‌ ఈ ఆత్మాహుతి దాడికి పాల్పడినట్లు భావిస్తున్నారు. అయితే, ఈ పేలుళ్లకు బాధ్యత వహిస్తూ ఇప్పటి వరకూ ఏ ఉగ్రవాద సంస్థ ప్రకటన చేయలేదు. ఘటనా స్థలంలోనే 78 మంది మృతిచెందారు. హాస్పిటల్‌లో చికిత్స పొందుతూ కొందరు చనిపోగా, ఇంకొందరి పరిస్థితి విషమంగా ఉంది. దీంతో మృతుల సంఖ్య మరింత పెరిగే అవకాశం ఉందని ఓ అధికారి తెలిపారు. పేలుడు సంభవించిన సమయానికి ఆ ప్రాంతంలో టర్కీ ఇంజినీర్లు రోడ్డు నిర్మాణ పనుల్లో ఉన్నారు. వారికి చెందిన కారులోనే బాంబు పేలుడు సంభవించినట్టు ప్రత్యక్ష సాక్షులు వెల్లడించారు. ఈ ఘటనలో ఇద్దరు టర్కీ ఇంజినీర్లు చనిపోయినట్టు సోమాలియా విదేశాంగ మంత్రి పేర్కొన్నారు.

from Telugu News Live | Today News in Telugu | తాజా తెలుగు వార్తలు https://ift.tt/2SLhkfp