బిహార్‌ను మరెంతో కాలం పరిపాలించలేరని, ఆయనకు వీడ్కోలు చెప్పడం ఖాయమని మరోసారి ఆర్జేడీ నేత తనదైన శైలిలో విమర్శలు గుప్పించారు. సోమవారం ఆయన మీడియాతో మాట్లాడుతూ.. సీఎం నితీశ్ కుమార్ బాగా అలసిపోయారంటూ ఎద్దేవా చేశారు. రెండో దశ పోలింగ్‌‌కు ముందు రోజే తేజస్వీ మరోసారి నితీశ్‌పై విరుచుకుపడ్డారు. తాను క్రికెట్ నుంచి రాజకీయాల్లో వచ్చానని నితీశ్ చేసిన విమర్శలకు కూడా తేజస్వీ కౌంటర్ ఇచ్చారు. క్రికెట్, సినిమాల నుంచి రాజకీయాల్లోకి రాలేదా? అంటే డాక్టర్లు, ఇంజినీర్లు కూడా రాజకీయాల్లోకి రాకూడదనేది? మీ ఉద్దేశమా అని ప్రశ్నించారు. ‘నితీశ్ కుమార్ బిహార్‌ను ఇక పాలించలేరు.. విద్య, ఆరోగ్యం, శాంతి భదత్రల విభాగంలో ఉద్యోగాలు ఖాళీగా ఉన్నాయి.. రాష్ట్రంలో ప్రతి లక్ష మందికి కేవలం 77 మంది పోలీసులు ఉన్నారు.. ఈ విషయంలో మణిపుర్ మెరుగ్గా ఉంది.. మాకు ఒక్క అవకాశం ఇవ్వమని ప్రజలను అడుగుతున్నాం.. గత 15 ఏళ్లలో నితీశ్ కుమార్ చేయలేదని మేము చేసి చూపిస్తాం.. మహాఘటబంధన్ ప్రభుత్వం ఏర్పడుతుంది.. ఆయనకు వీడ్కోలు ఖాయం’ అని వ్యాఖ్యానించారు. ‘నితీశ్ కుమార్‌కు ఏమయ్యింది.. రాజకీయాల్లో ఎంతో అనుభవం ఉన్న ఆయన ఇటువంటి మాట్లాడం ఏంటి? క్రికెట్, సినిమాల నుంచి రాజకీయాల్లోకి రాలేదా? అంటే డాక్టర్లు, ఇంజినీర్లు కూడా రాజకీయాల్లోకి రాలేరని ఆయన ఉద్దేశమా?’ ధ్వజమెత్తారు. స్పోర్టివ్ స్పిరిట్, నాయకత్వ లక్షణాలు, సమిష్టి కృషి, ఇవన్నీ నేను క్రికెట్ నుంచి నేర్చుకున్నాను. వాస్తవానికి నాకు క్రికెట్ వల్ల గుర్తింపు వచ్చింది’ అని పేర్కొన్నారు. ఇక, తేజస్వీ యాదవ్ రాష్ట్రస్థాయి క్రికెట్ జట్టు, ఢిల్లీ ఐపీఎల్ టీమ్‌‌లో సభ్యుడిగా ఉన్నారు. తర్వాత రాజకీయాల్లోకి వచ్చి, 2015 ఎన్నికల్లో పోటీచేశారు. తర్వాత నితీశ్ క్యాబినెట్‌లో చేరినా, అవినీతి ఆరోపణలతో పదవికి రాజీనామా చేయాల్సి వచ్చింది. ఆదివారం ఓ జాతీయ మీడియాకు ఇచ్చిన ఇంటర్వ్యూలో సీఎం నితీశ్ మాట్లాడుతూ.. యువ నేతలు తేజస్వీ యాదవ్, చిరాగ్ పాశ్వాన్‌లపై వివాదాస్పద వ్యాఖ్యలు చేశారు. ఒకరు క్రికెట్, ఇంకొకరు సినిమాల నుంచి వచ్చారు.. అందుకే ప్రచారం ఎక్కువ అని అన్నారు.
from Telugu News Live | Today News in Telugu | తాజా తెలుగు వార్తలు https://ift.tt/3mPqbsd
No comments:
Post a Comment