భార్య మెడలో తాళిని కొట్టేసిన ప్రబుద్ధుడు.. టెక్కలిలో మహిళ ఆత్మహత్య

ఎంతగానో ప్రేమించి పెద్దలను ఎదిరించి పెళ్లి చేసుకున్న వ్యక్తి జులాయిగా మారి కుటుంబాన్ని పట్టించుకోకపోవడాన్ని ఆమె తట్టుకోలేకపోయింది. ఇదేంటని నిలదీస్తే పవిత్ర బంధానికి సాక్షిగా కట్టిన తాళినే బలవంతంగా పట్టుకుపోయాడని మనస్తాపం చెందింది. తన బాధను ఎవరికీ చెప్పుకోలేక మెడకు ఉరితాడు బిగించి ఆత్మహత్యకు పాల్పడింది. ఈ విషాదకర ఘటన జిల్లా టెక్కలిలో జరిగింది. Also Read: టెక్కలిలోని కోదండరామవీధిలో నివాసముంటున్న బుడుమూరు ఝాన్సీ(19) మంగళవారం ఉరివేసుకుని ఆత్మహత్య చేసుకుంది. ఇంట్లో ఎవరూ లేని సమయంలో తలుపులు వేసుకుని అఘాయిత్యానికి పాల్పడినట్లు కుటుంబసభ్యులు చెబుతున్నారు. ఓ పెళ్లి ఫంక్షన్‌లో పరిచయమైన ఝాన్సీ, సాయితేజ తొలిచూపులోనే ప్రేమలో పడ్డారు. పెద్దలు పెళ్లికి నిరాకరించడంతో కొద్దిరోజులు దూరంగా వెళ్లిపోయారు. చివరికి పెద్దలు అంగీకారంతో ఆరు నెలల క్రితం వివాహం చేసుకున్నారు. సాయితేజ తండ్రి రామకృష్ణ ఆటోడ్రైవర్‌గా పనిచేస్తున్నాడు. ఒక్కగానొక్క కుమారుడు అని గారాబం చేయడంతో సాయితేజ జులాయిగా మారాడు. Also Read: పెళ్లయినా కూడా ఏ పని చేయకుండా స్నేహితులతో తిరుగుతున్న సాయితేజను కొద్దిరోజులుగా తల్లిదండ్రులు మందలిస్తున్నారు. ఝాన్సీ కూడా భర్తతో ఎన్నోసార్లు ఇదే విషయంపై గొడవపడినా అతడిలో మార్పు రాలేదు. ఈ నేపథ్యంలోనే సోమవారం రాత్రి కుటుంబసభ్యులంతా కలిసి ఊర్లోని థియేటర్లో సినిమాకి వెళ్లారు. అందరూ ఇంటికి రాగా సాయితేజ చాలా ఆలస్యంగా వచ్చాడు దీంతో తండ్రి అతడిని మందలించాడు. దీన్ని మనసులో పెట్టుకున్న సాయితేజ మంగళవారం ఉదయం నిద్రిస్తున్న భార్య మెడలో తాళిని తీసుకుని పరారయ్యాడు. Also Read: దీంతో మనస్తాపానికి గురైన ఝాన్సీ ఇంట్లో ఎవరూ లేని సమయంలో ఫ్యాన్‌కు ఉరేసుకుని ఆత్మహత్య చేసుకుంది. ఈ విషయాన్ని గమనించి అత్తమామలు సరోజిని, రామకృష్ణ వెంటనే పోలీసులకు సమాచారమిచ్చారు. దీంతో ఎస్‌ఐ బి.గణేష్‌ సంఘటనా స్థలానికి చేరుకుని మృతదేహాన్ని పరిశీలించారు. భర్త పరారీలో ఉండటంతో అత్తమామలను విచారించారు. కుటుంబసభ్యుల ఫిర్యాదుతో కేసు నమోదు చేసుకుని దర్యాప్తు చేపట్టినట్లు పోలీసులు తెలిపారు. Also Read:

from Telugu News Live | Today News in Telugu | తాజా తెలుగు వార్తలు https://ift.tt/37XLtgc