విధి నిర్వహణలో ఉన్న పోలీస్ అధికారి బాలీవుడ్ బ్లాక్ బస్టర్ సినిమా షోలేలో పాపులర్ డైలాగ్ చెప్పి చిక్కుల్లో పడ్డారు. పెట్రోలింగ్ వాహనంలోని మెగా ఫోన్‌ ద్వారా గబ్బర్ సింగ్ స్టయిల్‌లో ‘సో జా బేటా నహీ తూ గబ్బర్ ఆ జాయేగా’ డైలాగ్ చెప్పడం.. దీనిని ఎవరో వీడియోలో రికార్డ్ చేసి సోషల్ మీడియాలో పోస్ట్ చేయడంతో వైరల్ అయ్యింది. దీంతో ఆయనకు అధికారులు షోకాజ్ నోటీసు జారీచేశారు. ఈ ఘటన మధ్యప్రదేశ్‌లోని ఝాబౌ జిల్లాలో చోటుచేసుకుంది. కళ్యాణ్‌పుర పోలీస్ స్టేషన్ ఇంఛార్జి కేఎల్ దాంగీ డైలాగ్ చెబుతున్న 15 నిడివిగల వీడియోతో అడ్డంగా బుక్కయ్యారు. ‘కళ్యాణపురకు 50 కిలోమీటర్ల దూరంలోనూ ఓ ఒక పిల్లవాడు ఏడుస్తున్నప్పుడు.. వారి తల్లులు నిద్రపోకపోతే లేకపోతే దాంగీ వస్తాడు అని చెబుతారు’ అంటూ మెగాఫోన్‌ పట్టుకుని గబ్బర్ సింగ్ స్టయిల్‌లో డైలాగ్ చెప్పారు.‘సో జా బేటా నహీ తూ గబ్బర్ ఆ జాయేగా’డైలాగ్ చెబుతున్నట్టు వీడియోలు రికార్డయ్యింది. దీంతో దుమారం రేగుతుంది. దీనిపై స్పందించిన అధికారులు.. దాంగీ చర్యలను తీవ్రంగా పరిగణించి, షోకాజ్ నోటీసు జారీచేసినట్టు తెలిపారు. ‘దాంగీ మాట్లాడిన వీడియో ఇంటర్నెట్‌లో వైరల్ అయ్యింది.. అతడికి షోకాజ్ నోటీసు జారీచేశాం.. ప్రాథమిక విచారణ తర్వాత అతడిపై తదుపరి చర్యలు తీసుకుంటాం’ అని సీనియర్ పోలీస్ అధికారి ఆనంద్ సింగ్ తెలియజేశారు. ఇక, మీరు నిద్రపోకపోతే గబ్బర్ వస్తాడు అంటూ బాలీవుడ్ దిగ్గజ నటుడు అంజాద్ ఖాన్ చెప్పిన డైలాగ్‌కు ప్రేక్షకుల విజిల్స్, చప్పట్లతో థియేటర్లు దద్ధరిల్లేవి. 1975లో విడుదలైన ఈ సినిమా బాలీవుడ్‌లో ట్రెండ్ సెట్టర్‌గా మిగిలిపోయింది.
from Telugu News Live | Today News in Telugu | తాజా తెలుగు వార్తలు https://ift.tt/3f3bzm5
No comments:
Post a Comment