ఉధృతంగా వ్యాక్సిన్ వ్యతిరేక ఆందోళన… రహస్య ప్రదేశానికి ప్రధాని కుటుంబం

కెనడాలో వ్యాక్సిన్ వ్యతిరేక ఆందోళన ఉధృతంగా సాగుతోంది. రాజధాని ఒట్టవాలో పెద్దఎత్తున నిరసనకారులు పెద్దఎత్తు. ర్యాలీ నిర్వహించారు. టీకా ఆదేశాలను నిరసిస్తూ వేలాది మంది ట్రక్కర్ కాన్వాయ్‌లలో అక్కడకు తరలివచ్చారు. కోవిడ్ వ్యాప్తి కట్టడిలో భాగంగా ఆ దేశ ప్రధాని కరోనా వ్యాక్సిన్ తప్పనిసరి చేస్తూ ప్రధాని జస్టిస్ ట్రూడో ఆదేశాలు జారీ చేశారు. దీనికి వ్యతిరేకంగా అక్కడి ప్రజలు ఆందోళను దిగారు. ఈ నేపథ్యంలో పోలీసులు జస్టిస్ ట్రూడో అతని కుటుంబాన్ని రహస్య ప్రాంతానికి తరలించారు. నిరసనలు హింసాత్మకంగా మారే అవకాశం ఉందని భద్రతా వర్గాలు సమాచారం ఇవ్వడంతో ఈ నిర్ణయం తీసుకున్నారు. మరోవైపు నిరసనకారులను అడ్డుకునేందుకు, వారిని శాంతిపరిచేందుకు పోలీసులు, అధికారులు ప్రయత్నాలు చేస్తున్నారు. ఇటీవల అమెరికాకు వెళ్లి వచ్చే ట్రక్ డ్రైవర్లు కచ్చితంగా టీకా వేయించుకోవాలని, వలసదారులు కరోనా నెగిటివ్ రిపోర్ట్ చూపించడంతో పాటు నాలుగు రోజుల క్వారంటైన్‌లో ఉండాలంటూ కెనడా ప్రభుత్వం కొత్త నిబంధనలు పెట్టింది. దాంతో ట్రక్ డ్రైవర్లు ఆందోళనకు పిలుపునిచ్చారు. ఫ్రీడమ్ కాన్వాయ్ పేరుతో నిరసనలు చేపట్టారు. వీరి ఆందోళనలకు ప్రజలు కూడా మద్దతు పలికారు. ఈ ఉద్యమానికి ఇతరులు కూడా తోడవడంతో ఉద్రిక్తంగా మారింది. నిరసనకారులు ప్రభుత్వానికి వ్యతిరేకంగా నినాదాలు చేయడంతో పాటు, విచక్షణా రహితంగా సైనికుల స్మారక చిహ్నాల వద్ద డ్యాన్స్‌లు కూడా చేశారు. టీకాను తప్పనిసరిగా చేయించుకోవాలనే నిబంధనను తొలగించాలని డిమాండ్ చేస్తున్నారు. కాగా ఈ విషయంలో ప్రభుత్వం ఏదో ఒక నిర్ణయం తీసుకోకపోతే ఈ ఉద్యమం ఆగేటట్టు లేదని అక్కడి అధికారులు అభిప్రాయపడుతున్నారు.

from Latest News in Telugu | Telugu Breaking News | బ్రేకింగ్ న్యూస్ Telugu | Samayam Telugu https://ift.tt/9SGUazk7P