గొత్తి కోయల కోసం డాక్టర్ అవతారం ఎత్తిన భూపాలపల్లి ఎస్పీ

ములుగు ఎస్పీ, జిల్లా ఇంఛార్జి ఎస్పీ సంగ్రామ్ సింగ్ పాటిల్.. గొత్తికోయల కోసం డాక్టర్ అవతారం ఎత్తారు. ఎంబీబీఎస్ చదివిన ఆయన.. తర్వాత సివిల్స్ రాసి ఐపీఎస్‌గా ఎంపికయ్యారు. ఇండియన్ మెడికల్ అసోసియేషన్, వరంగల్‌ జిల్లా కెమిస్ట్స్ అసోసియేషన్ ఆధ్వర్యంలో మహాముత్తారం మండలంలోని పెగడపల్లిలో గొత్తికోయల కుటుంబాల కోసం గురువారం మెగా వైద్యశిబిరం నిర్వహించారు. ఈ శిబిరానికి సంగ్రామ్ సింగ్ ముఖ్య అతిథిగా హాజరయ్యారు. డాక్టర్‌గా పని చేసిన అనుభవం ఉన్న పాటిల్.. హెల్త్ క్యాంపులో దాదాపు 100 మందిని పరీక్షించారు. అనంతరం 200 గిరిజన కుటుంబాలకు దుప్పట్లను పంపిణీ చేశారు. అంటువ్యాధుల పట్ల అప్రమ్తతంగా ఉండాలని ఆయన రోగులకు సూచించారు. ఈ సందర్భంగా పాటిల్ మాట్లాడుతూ.. అందరూ ఆరోగ్యంగా ఉండాలనే ఉద్దేశంతోనే మెడికల్ క్యాంప్ ఏర్పాటు చేశామన్నారు. మహాముత్తారం, పలిమెల మండలాల్లోని ఏడు గ్రామాలకు చెందిన గొత్తికోయలకు ఈ మెడికల్ క్యాంప్‌లో వైద్య పరీక్షలు నిర్వహించి మందులిచ్చారు.

from Telugu News Live | Today News in Telugu | తాజా తెలుగు వార్తలు https://ift.tt/2sJMmco