దుండిగల్‌లో అదృశ్యం.. కూకట్‌పల్లిలో ప్రత్యక్షం.. గాయత్రి మిస్సింగ్ కథ సుఖాంతం

ప్రియుడి దగ్గరకు వెళ్తున్నానంటూ లేఖ రాసి ఇంటి నుంచి వెళ్లిపోయిన హైదరాబాద్‌కు చెందిన గాయత్రి కథ సుఖాంతమైంది. దుండిగల్ పీఎస్ పరిధిలోని మల్లంపేట్‌కు చెందిన గాయత్రి స్థానికంగా ఉండే ఓ సూపర్‌ మార్కెట్‌లో క్యాషియర్‌గా పనిచేస్తోంది. బుధవారం మధ్యాహ్నం ఒంటి గంటకు విధులకు వెళ్తున్నానంటూ చెప్పి ఇంటి నుంచి బయలుదేరిన ఆమె రాత్రి పది గంటలు దాటినా తిరిగి రాకపోవడంతో కుటుంబసభ్యులు ఫోన్‌ చేశారు. అయితే ఫోన్ స్విచ్ఛాఫ్‌ రావడంతో సూపర్ మార్కెట్‌ సిబ్బందిని సంప్రదించగా..అసలు విధులకే హాజరు కాలేదని చెప్పారు. Also Read: దీంతో కుటుంబసభ్యులు పోలసులకు ఫిర్యాదు చేశారు. దీనిపై కేసు నమోదు చేసుకున్న పోలీసులు ఆమె కోసం ప్రత్యేక టీమ్‌ ఏర్పాటు చేసి గాలించారు. కేపీహెబ్‌బీ కాలనీలోని సర్దార్ పటేల్ నగర్‌లో గాయత్రి ఉన్నట్లు తెలుసుకున్న పోలీసులు ఆమెను అదుపులోకి తీసకున్నారు. అక్కడి నుంచి దుండిగల్ పీఎస్‌కు తీసుకొచ్చి తల్లిదండ్రులకు సమాచారమిచ్చారు. గాయత్రి ఇంటి నుంచి వెళ్లిపోవడానికి గల కారణాలు తెలుసుకునేందుకు పోలీసులు ఆమెను ప్రశ్నిస్తున్నారు. Also Read: తనకు పెద్దలు కుదిర్చిన వివాహం ఇష్టం లేదని, ప్రేమించిన వ్యక్తిని పెళ్లి చేసుకునేందుకు ఇంటి నుంచి వెళ్లిపోతున్నట్లు గాయత్రి రాసిన లేఖను పోలీసులు గుర్తించారు. దాన్ని ఆధారంగా చేసుకుని దర్యాప్తు చేపట్టారు. మరోవైపు గాయత్రి పక్కా ప్లాన్ ప్రకారం ఉద్యోగానికి రాజీనామా చేసి.. పీఎఫ్ డబ్బులు కూడా తీసుకున్నట్లు సూపర్ మార్కెట్ సిబ్బంది చెప్పడంతో అంతా షాకయ్యారు. ఇటీవల నగరంలో మహిళలపై దాడులు పెరిగిపోవడంతో గాయత్రి మిస్సింగ్ ఘటనను పోలీసులు ఛాలెంజ్‌గా తీసుకుని చేధించారు. Also Read:

from Telugu News Live | Today News in Telugu | తాజా తెలుగు వార్తలు https://ift.tt/2MdCEpA