Telangana: భర్తని ప్లాన్ చేసి చంపేసిన భార్య.. పట్టించిన తోడికోడలి ఫోన్ కాల్

ఎంతటి నేరస్తులైనా ఏదో ఒక తప్పు చేసి దొరికిపోతారనే నానుడి నిజమైంది. వరంగల్‌ ట్రాఫిక్ హోంగార్డు హత్య కేసులో అదే విషయం మరోసారి స్పష్టమైంది. ప్రియుడితో కలసి భార్యే పక్కా ప్లాన్ ప్రకారం గొంతు బిగించి ఊపిరాడకుండా చేసి చంపేసినట్లు తేలింది. హత్యానంతరం శవాన్ని తగలబెట్టి బూడిద చేసి చెరువులో కలిపేసి ఆధారాలు దొరక్కుండా చేసినా ఒకే ఒక్క ఫోన్ కాల్ ఆమెని అడ్డంగా బుక్ చేసింది. వివాహేతర సంబంధానికి అడ్డుగా ఉన్నాడని భర్త దర్యావత్ సింగ్‌ని అంతమొందించేందుకు భార్య జ్యోతి, ఆమె ప్రియుడు సాంబరాజు పక్కాగా ప్లాన్ చేశారు. అందుకోసం ముందుగానే రెండు సిమ్ కార్డులు కొనుగోలు చేశారు. ఆ నంబర్లు ఎవరికీ ఇవ్వకుండా ఇద్దరే మాట్లాడుకునేవారు. ఈ నెల 14న మద్యం మత్తులో ఉన్న భర్తని చూసి అదే సరైన సమయంగా భావించిన జ్యోతి తన ప్రియుడికి ఫోన్ చేసి రమ్మని చెప్పింది. తన ట్రాలీ ఆటోలో తాళ్లు, పెట్రోల్ సీసాలతో సహా ప్రియుడు ఆమె ఇంటికి చేరుకున్నాడు. ప్రియురాలి భర్తకి ఉరి బిగించి అమానుషంగా చంపేశారు. అనంతరం శవాన్ని సాంబరాజు తన పత్తి పొలానికి తీసుకెళ్లాడు. అక్కడ అతని తండ్రి, సోదరుడి సాయంతో కట్టెలు పోగేసి శవాన్ని తగలబెట్టాడు. మరుసటి రోజు వచ్చి చూడగా శవం సగమే కాలిపోయి కన్పించడంతో మరోమారు తగలబెట్టాడు. ఆ తరువాతి రోజు బూడిదని తీసుకెళ్లి చెరువులో కలిపేసి చేతులు దులుపుకున్నాడు. దర్యావత్ మిస్సింగ్ కేసు దర్యాప్తు చేస్తున్న పోలీసులకి ఎలాంటి క్లూ దొరకని సమయంలో తోడికోడలు రూపంలో కీలక సమాచారం అందింది. Also Read: మృతుడి భార్య జ్యోతికి మరో ఫోన్ నంబర్ ఉందని తోడికోడలు చెప్పడంతో పోలీసులు ఆ దిశగా విచారణ చేపట్టారు. సదరు ఫోన్ నంబర్ కాల్ డేటాను సేకరించారు. అనంతరం ఆమెని, ఆమె ప్రియుడిని అదుపులోకి తీసుకుని ప్రశ్నించడంతో అసలు నిజాలు కక్కేశారు. ఇంతకీ ఆ ఫోన్ నంబర్ ఎలా బయటపడిందంటే.. భర్త మర్డర్ ప్లాన్‌లో భాగంగా భార్య తెచ్చుకున్న కొత్త నంబర్ నుంచి తోడికోడలికి పొరపాటున ఒకసారి కాల్ చేసింది అంతే. అదే ఆమెను కటకటాల వెనక్కి నెట్టించింది. Read Also:

from Telugu News Live | Today News in Telugu | తాజా తెలుగు వార్తలు https://ift.tt/2RRJcg9