శబరిమల: మండల, మకరవిళక్కు పూజలకు బుకింగ్ ప్రారంభం.. గంటల్లోనే అమ్ముడైన టిక్కెట్లు

ఈ నెల 16 నుంచి శబరిమల అయ్యప్ప ఆలయంలో మండల పూజలు ప్రారంభం కానుడంటంతో పరిమితి సంఖ్యలో భక్తులను దర్శనానికి అనుమతించనున్నారు. కరోనా నేపథ్యంలో రోజుకు కేవలం 1,000 మంది భక్తులకు మాత్రమే స్వామివారి దర్శనానికి అవకాశం కల్పిస్తామని కేరళ ముఖ్యమంత్రి ప్రకటించారు. దర్శనానికి వచ్చే భక్తులు ముందస్తుగా ఆన్‌లైన్‌లోనే టిక్కెట్లు బుక్ చేసుకోవాలి. ఇందుకు సంబంధించిన ప్రక్రియ ఆదివారం నుంచి ప్రారంభమయ్యింది. బుకింగ్ ప్రారంభమైన కొద్ది సేపటికే డిసెంబరు, జనవరి నెల టిక్కెట్లు దాదాపు అమ్ముడయిపోయాయి. ప్రస్తుతం నవంబరు 16-29, డిసెంబరు 1,2, 12, జనవరి 12, 16,17,18,19 తేదీలకు సంబంధించిన కొన్ని టిక్కెట్లు మాత్రమే మిగిలి ఉన్నాయి. భక్తులు ముందుగా ఈమెయిల్ ఐడీ, ఫోన్ నెంబరు ఆధారంగా sabarimalaonline.orgలో రిజిస్ట్రేషన్ చేసుకోవాలి. రిజిస్ట్రేషన్ ప్రక్రియలో గుర్తింపు కార్డు, ఫోటో తప్పనిసరి. ఇది పూర్తయిన తర్వాత ఏ రోజున దర్శనానికి వెళ్లాలనుకుంటున్నారో ఆ తేదీపై క్లిక్ చేస్తే టిక్కెట్ల డిస్‌ప్లే అవుతాయి. ఉదయం 5 గంటల నుంచి సాయంత్రం 7 గంటల మధ్య ఏడు స్లాట్స్‌లో దర్శనానికి టిక్కెట్ బుక్ చేసుకోవచ్చు. సాధారణ సమయాల్లో రోజుకు 1,000 మందికే అనుమతించినా.. సెలవు రోజులు, మకర సంక్రాంతి సమయంలో గరిష్ఠంగా 5వేల మంది వరకు భక్తులకు అవకాశం కల్పిస్తారు. కోవిడ్-19 నిబంధనలు పాటిస్తూ మండల, మకరవిళక్కు సీజన్‌లో పరిమిత సంఖ్యలోనే భక్తులకు అనుమతి ఉంటుంది. నవంబరు 16న మండల పూజలతో తెరుచుకునే శబరిమల మధ్యలో రెండు రోజుల మినహా జనవరి 20 వరకు రెండు నెలల పాటు తెరిచే ఉంటుంది. దర్శనానికి వచ్చే భక్తులు తప్పనిసరిగా 24 గంటల ముందు కోవిడ్-19 టెస్ట్ చేయించుకోవాలని, నెగెటివ్ సర్టిఫికెట్ ఉన్నవారిని మాత్రమే అనుమతిస్తారు. అంతేకాదు, ఆలయం వద్ద విధులు నిర్వర్తించేవారికి కూడా ఇదే వర్తిస్తుంది. ఒకవేళ, ఇతర రాష్ట్రాల నుంచి వచ్చే భక్తులకు కరోనా పాజిటివ్‌గా నిర్ధారణ అయితే వారికి చికిత్స కోసం అన్ని సౌకర్యాలు కల్పిస్తామని సీఎం తెలిపారు. తమ సొంత రాష్ట్రాలకు వెళ్లిపోవాలని భావిస్తే అందుకు తగిన ఏర్పాట్లు చేస్తామని అన్నారు. Click Here:

from Telugu News Live | Today News in Telugu | తాజా తెలుగు వార్తలు https://ift.tt/2GhAPbk