విషాదం: EMI చెల్లించలేక ఐదుగురి ఆత్మహత్య

కరోనా సంక్షోభం మనిషి జీవితాన్ని తలకిందులు చేసింది. లాక్‌డౌన్‌తో వ్యాపారం దెబ్బతినడం కొన్ని కుటుంబాల్లో తీవ్ర విషాదాన్ని నింపుతోంది. వ్యాపారం కోసం పెద్ద మొత్తంలో రుణాలు తీసుకోవడం, లాక్‌డౌన్‌తో దివాళా తీయడం, తీసుకున్న అప్పులు వడ్డీతో కలిపి తలకు మించిన భారం కావడంతో ఓ వ్యక్తి కఠిన నిర్ణయం తీసుకున్నాడు. తన భార్య, ఎదిగిన పిల్లలతో కలిసి ఆత్మహత్య చేసుకున్నాడు. అసోంలోని కోక్రాజర్ జిల్లాలో ఆదివారం (నవంబర్ 1) ఈ ఘటన చోటు చేసుకుంది. నిర్మల్ పాల్ (45) అనే వ్యక్తి గౌహతి సమీపంలో గ్యాస్‌ సబ్‌ ఏజెన్సీని నిర్వహిస్తున్నాడు. తన వ్యాపారం కోసం బ్యాంకులు, తెలిసిన వారి దగ్గర నుంచి రూ.25 లక్షల నుంచి రూ.30 లక్షల వరకు అప్పులు చేశాడు. లాక్‌డౌన్‌తో ఇబ్బందులు ఎదురవడం వల్ల గత కొన్ని నెలలుగా రుణ వాయిదాలను చెల్లించలేదు. నెలలు గడిచేకొద్ది అవన్నీ తలకు మించిన భారమయ్యాయి. దీంతో పాటు బ్యాంకులు, అప్పులు ఇచ్చిన వారి నుంచి ఒత్తిడి పెరిగింది. ఈ నేపథ్యంలో ఆ చేసుకోవాలని నిర్ణయించుకుంది. ఆదివారం ఉదయం నిర్మల్‌ పాల్‌ నివాసంలో అతడితో పాటు అతడి భార్య మల్లికా (40) వారి ముగ్గురు కూమార్తెలు విగతజీవులుగా పడి ఉండటాన్ని స్థానికులు గమనించి పోలీసులకు సమాచారం ఇచ్చారు. నిర్మల్ పాల్ పెద్ద కుమార్తె పూజ (25) స్థానికంగా ఓ ప్రైవేట్‌ స్కూల్‌లో టీచర్‌గా పనిచేస్తోంది. మిగిలిన ఇద్దరు కూతుళ్లు తమ విద్యాభ్యాసం కొనసాగిస్తున్నారు. కుటుంబసభ్యులందరూ ఒకేసారి మరణించడంతో స్థానికంగా విషాదం అలుముకుంది. సమాచారం అందుకున్న పోలీసులు ఘటనాస్థలికి వచ్చి పరిశీలించారు. మృతదేహాలను పోస్ట్‌మార్టం నిమిత్తం హాస్పిటల్‌కు తరలించారు. బ్యాంకుల నుంచి తీసుకున్న లోన్ల ఈఎంఐలు చెల్లించలేకే ఆ కుటుంబంలోని ఐదుగురు ఆత్మహత్య చేసుకున్నారని పోలీసులు ప్రాథమికంగా నిర్ధారించారు. అయితే.. ఈ ఘటనపై నిర్మల్ పాల్ బంధువులు, అఖిల బెంగాలీ యువ విద్యార్థి సంఘం కోక్రాజర్ విభాగం సభ్యులు అనుమానం వ్యక్తం చేశారు. ఆ కుటుంబం మరణాల వెనుక ఏదో కారణం ఉందన్నారు. ఈ ఘటనపై లోతుగా దర్యాప్తు జరపాలని పోలీసులను కోరారు. వారి ఆత్మహత్యకు గల కారణాలపై దర్యాప్తు చేస్తున్నామని పోలీసులు తెలిపారు. Also Read: Must Read:

from Telugu News Live | Today News in Telugu | తాజా తెలుగు వార్తలు https://ift.tt/326neva