తన బెడ్ రూమ్‌లో విషసర్పం దూరిందని, అది భయంకరంగా శబ్దాలు చేస్తుందని భయపడిపోయిన మహిళ.. తనను రక్షించాలని కోరుతూ రెస్క్యూ టీమ్‌కు ఫోన్ చేసింది. మంచం దగ్గర ఉన్న అల్మారాలో నాగుపాము ఉందని, బుసలు కొడుతోందని ఆ శబ్దాలను మొబైల్‌లో రికార్డు చేసి వారికి పంపింది. దీంతో హుటాహుటిన చేరుకున్న రెస్క్యూ టీం.. పాము కోసం గాలించారు. శబ్దం వస్తున్నవైపు వెళ్లిచూడగా ఆన్ చేసి ఉండటం గుర్తించారు. దాని శబ్దాలనే మహిళ పాముగా భావించింది. విచిత్రమైన ఈ ఘటన సింగ్‌పూర్‌లో చోటుచేసుకుంది. సింగపూర్‌లోని జురోంగ్ వెస్ట్ ప్రాంతానికి జియాన్ అనే మహిళ రెస్క్యూ హాట్ లైన్‌కు ఏడుస్తూ ఫోన్ చేసింది. తన పడకగదిలోకి విషసర్పం దూరిందని, అది బుసలు కొడుతోందని వాపోయింది. శబ్దాలను రికార్డ్ చేసి పంపింది. దీంతో సింగపూర్ రెస్క్యూ టీం ఆఫీసర్ ముహమ్మద్ సఫారీ బిన్ మస్నోర్ హుటాహుటిన మహిళ నివాసానికి చేరుకుని.. పాము కోసం వెదికారు. గంటపాటు ఇళ్లంతా గాలించినా ఎక్కడా విషసర్పం ఆచూకీ కనిపించలేదు. చివరగా బెడ్రూంలోని బాత్రూంకి వెళ్లారు. అక్కడ నుంచి శబ్దం వస్తుండడా... ఓ ఎలక్ట్రిక్ టూత్ బ్రష్ ఆన్ చేసి ఉండటం సిబ్బందికి కనిపించింది. ఎలక్ట్రిక్ టూత్ బ్రష్ స్విచాఫ్ చేయడంతో పాములా వచ్చిన హిస్సింగ్ శబ్ధం ఆగిపోయింది. ఎలక్ట్రిక్ టూత్ బ్రష్ నుంచి శబ్ధం పాము చేసే శబ్ధంలా అనిపించడంతో ఆమె నాగుపాము ఉందని భయపడింది. అయితే, అక్కడ పాము లేకపోవడంతో మహిళతో సహా రెస్క్యూ సిబ్బంది ఊపిరిపీల్చుకున్నారు. ఎలక్ట్రిక్ టూత్ బ్రష్‌లోకి పొరపాటున నీళ్లు చేరడంతో ఆటోమేటిక్‌గా ఆన్ అయినట్టు గుర్తించారు. దీనిపై జియాన్ మాట్లాడుతూ.. నీళ్లు వెళ్లడంతోనే టూత్ బ్రష్ మెకానిజమ్ దెబ్బతిని ఆన్ అయ్యింది.. నేను మరో కొత్త బ్రష్‌ను కొనుక్కుంటాను గానీ, మళ్లీ దీని జోలికి వెళ్లాలనుకోవడం లేదు అన్నారు. కాగా, కొద్ది రోజుల కిందట బ్రిటిష్ కొలంబియాలోనూ ఇటువంటి ఘటనే చోటుచేసుకుంది. తమ అపార్ట్‌మెంట్‌లోకి మొసలి వచ్చిందని పోలీసులకు ఫోన్ చేశారు. పోలీసులు వచ్చి చూడగా అక్కడ మొసలి రూపంలో ఉన్న ఓ శిల్పం కనిపించింది.
from Latest News in Telugu | Telugu Breaking News | బ్రేకింగ్ న్యూస్ Telugu | Samayam Telugu https://ift.tt/2XirjNi
No comments:
Post a Comment