ఊహకు అందని మలుపులు తిరిగిన మరాఠా రాజకీయాలు ఓ కొలిక్కి వచ్చాయి. ఫడ్నవీస్ రాజీనామా తర్వాత.. సీఎంగా శివసేన అధినేత ఉద్ధవ్ థాక్రే గురువారం సాయంత్రం ప్రమాణ స్వీకారం చేస్తున్నారు. మనసు మార్చుకొని బీజేపీ శిబిరం నుంచి తిరిగి బాబాయ్ దగ్గరకు వచ్చేసిన అజిత్ పవార్కు డిప్యూటీ సీఎం పదవి దక్కుతుందని ప్రచారం చేసింది. కానీ చివరకు ఆయన పేరు మంత్రివర్గ జాబితాలో కనిపించలేదు. ఉద్ధవ్ ప్రమాణ స్వీకారానికి ముందు.. మరోసారి వార్తల్లో నిలిచారు. ఆయన ఫోన్ స్విచ్ఛాఫ్ చేసి ఉండటంతో.. ఎన్సీపీ వర్గాలు ఆందోళనకు లోనయ్యాయి. ఆయన అజ్ఞాతంలోకి వెళ్లిపోయారని ప్రచారం జరిగింది. కానీ విపరీతంగా వస్తున్న ఫోన్ కాల్స్ బాధ భరించలేకే ఆయన కావాలనే.. ఫోన్ స్విచ్ఛాఫ్ చేశారని ఎన్సీపీ అధికార ప్రతినిధి తెలిపారు. ఉద్ధవ్ ప్రమాణ స్వీకార వేడుకకు అజిత్ హాజరవుతారని ఆయన చెప్పారు. బీజేపీకి మద్దతు ప్రకటించి, తాను డిప్యూటీ సీఎంగా ప్రమాణ స్వీకారం చేసిన తర్వాత.. తాను ఎన్సీపీలోనే ఉన్నానని.. ఎప్పటికీ పార్టీలోనే ఉంటానని.. శరద్ పవార్ తమ నేత అని అజిత్ పవార్ ట్వీట్లు చేశారు. ఎన్సీపీ క్యాంప్లోకి తిరిగి వచ్చిన అజిత్ను శరద్ పవార్ క్షమించేశారు. దీంతో అజిత్ను డిప్యూటీ సీఎం చేయాలని ఆయన వర్గీయులు పార్టీ సుప్రీమో శరద్ పవార్ దగ్గర లాబీయింగ్ చేశారు.
from Telugu News Live | Today News in Telugu | తాజా తెలుగు వార్తలు https://ift.tt/2sqgTvJ
0 Comments