త్వరలో కరోనా వ్యాక్సిన్.. ఎలా ఇవ్వాలి? కేంద్రం మార్గదర్శకాలివే..

కరోనా వ్యాక్సిన్ కోసం ఎదురుచూస్తున్న ప్రజలకు గుడ్ న్యూస్. అతి త్వరలో వ్యాక్సినేషన్ ప్రక్రియ ప్రారంభం కానుంది. అందుబాటులోకి వచ్చిన వెంటనే ప్రజలకు పంపిణీ చేయడానికి కేంద్ర ప్రభుత్వం చర్యలు చేపట్టింది. వ్యాక్సినేషన్‌ ప్రక్రియకు సంబంధించి అన్ని రాష్ట్రాలు, కేంద్ర పాలిత ప్రాంతాలకు సోమవారం (డిసెంబర్ 14) మార్గదర్శకాలు జారీ చేసింది. వ్యాక్సిన్‌ కావాలనుకునేవారు ముందుగానే రిజిస్ట్రేషన్ చేసుకోవాల్సి ఉంటుందని తెలిపింది. తొలుత కరోనా ముప్పు అధికంగా ఉండే వైద్య సిబ్బంది, ఆరోగ్య సిబ్బంది, పారిశుద్ధ్య కార్మికులతో పాటు 50 ఏళ్లు పైబడిన వృద్ధులకు వ్యాక్సిన్ ఇవ్వాలని కేంద్ర ప్రభుత్వం నిర్దేశించింది. తొలి దశలో 30 కోట్ల మందికి టీకా ఇవ్వాలని కేంద్రం భావిస్తోంది. ఒక్కో కేంద్రంలో 100 నుంచి 200 మందికి (పెద్ద కేంద్రాల్లో) వ్యాక్సిన్ ఇవ్వడానికి ఏర్పాట్లు చేసుకోవడానికి ఏర్పాట్లు చేసుకోవాలని రాష్ట్రాలకు సూచించింది. వ్యాక్సినేషన్ మార్గదర్శకాలు: ☆ ఒక్కో వ్యాక్సిన్ కేంద్రంలో రోజుకు 100 మందికి టీకా ఇచ్చేలా ఏర్పాట్లు చేయాలి. సరిపడా కోల్డ్ స్టోరేజీలను ఏర్పాటు చేసుకోవాలి. ☆ ఒక్కో వ్యాక్సినేషన్‌ బృందంలో ఐదుగురు సభ్యులు ఉంటారు. ☆ ఒకవేళ టీకా కేంద్రం పెద్దగా ఉండి.. వెయిటింగ్‌ రూమ్‌, అబ్సర్వేషన్‌ రూమ్‌లో సరిపడా స్థలం ఉంటే మరో వ్యాక్సినేటర్ అధికారిని ఏర్పాటు చేసుకొని 200 మందికి టీకా ఇచ్చేలా ఏర్పాట్లు చేసుకోవచ్చు. ☆ తొలి ప్రాధాన్యంలో ఆరోగ్య సిబ్బంది, పారిశుద్ధ్య కార్మికులు, 50 ఏళ్ల పైబడిన వారికి టీకా ఇవ్వాలి. ఆ తర్వాత ఆరోగ్య పరిస్థితిని బట్టి 50 ఏళ్ల లోపు వారికి వ్యాక్సిన్ ఇవ్వాలి. ☆ 50 ఏళ్ల పైబడిన వారిని కూడా రెండు వర్గాలుగా విభజించి టీకా ఇవ్వాలి. తొలుత 60 ఏళ్ల పైబడిన వారికి ప్రాధాన్యం ఇచ్చి వ్యాక్సిన్ అందించాలి. ☆ ఇటీవల జరిగిన లోక్‌సభ, రాష్ట్రాల అసెంబ్లీ ఎన్నికల్లో తాజా ఓటర్ల జాబితా ఆధారంగా 50 ఏళ్లు పైబడిన వారిని గుర్తించాలి. ☆ వ్యాక్సిన్‌ వేసే రూమ్‌లోకి ఒక్కరినే అనుమతించాలి. ☆ వ్యాక్సిన్ తీసుకున్న తర్వాత వారి ఆరోగ్య పరిస్థితిని 30 నిమిషాల పాటు పరిశీలించాలి. ☆ వ్యాక్సిన్ తీసుకునే వ్యక్తి టీకా కేంద్రానికి వచ్చేంతవరకు వ్యాక్సిన్‌, డైల్యుయెంట్లను వ్యాక్సిన్‌ క్యారియర్‌లో జాగ్రత్తగా మూసి ఉంచి, పరిరక్షించాలి. ☆ వ్యాక్సిన్ సెషన్‌ పూర్తయిన తర్వాత ఐస్‌ ప్యాక్స్‌, ఓపెన్‌ చేయని వ్యాక్సిన్‌ వయల్స్ ఉన్న వ్యాక్సిన్‌ క్యారియర్‌ను తిరిగి కోల్డ్‌ స్టోరేజీలకు తరలించాలి. ☆ వ్యాక్సిన్‌ క్యారియర్‌, వ్యాక్సిన్‌ వయల్స్‌, ఐస్‌ ప్యాక్‌లకు సూర్యరశ్మి తగలకుండా తగిన ఏర్పాట్లు చేసుకోవాలి. Also Read: Must Read: Don't Miss:

from Telugu News Live | Today News in Telugu | తాజా తెలుగు వార్తలు https://ift.tt/37exch9