కాక్‌పీట్‌లోకి దూరిన పిల్లి.. గాల్లో ఉండగానే పైలట్‌పై దాడి

కాక్‌పిట్‌లోకి పిల్లి దూరి విమానం గాల్లో ఉండగానే పైలట్‌పై దాడి చేసింది. దీంతో విమానాన్ని పైలట్ అత్యవసరంగా దింపేయాల్సి వచ్చింది. ఈ ఘటన టార్కో ఏవియేషన్‌కు చెందిన విమానంలో చోటుచేసుకుంది. బుధవారం సూడాన్‌ రాజధాని ఖార్టూమ్‌ నుంచి ఖతార్‌‌కు టార్కో ఏవియేషన్ విమానం బయలుదేరిన కొద్ది సేపటికే ప్రత్యక్షమయ్యింది. ఆకస్మికంగా పైలెట్‌, క్యాబిన్ క్రూపై దాడిచేయడంతో అత్యవసరంగా విమానాన్ని ల్యాండ్ చేశాడు. అయితే ఆ పిల్లి విమానంలోకి ఎలా వచ్చిందో అన్న దానిపై స్పష్టత లేదు. అల్-సుడానీ న్యూస్ ప్రకారం.. ఖార్టూమ్ అంతర్జాతీయ విమానాశ్రయం నుంచి విమానం బయలుదేరిన అరగంట తర్వాత కాక్‌పీట్‌లోకి పిల్లి దూరిన విషయాన్ని పైలట్ గుర్తించారు. పైలట్, క్యాబిన్ క్రూపై దాడిచేయడంతో దానిని నుంచి తప్పించుకోడానికి ప్రయత్నించారు. దీంతో విమానాన్ని అత్యవసరంగా వెనక్కు మళ్లించి ల్యాండ్ చేయాల్సి వచ్చిందని తెలిపింది. ఆ పిల్లి విమానాశ్రయంలోకి రాత్రి వేళ వచ్చి ఉంటుందని సిబ్బంది భావిస్తున్నారు. విమానాన్ని శుభ్రం చేసే సమయంలో ఆ పిల్లి అక్కడే నక్కి ఉంటుందని అనుకుంటున్నారు. ఈ ఘటనపై టార్కో ఏవియేషన్‌ ఇప్పటివరకు స్పందించలేదు. విమానాల్లో ఇలాంటి ఘటనలు జరగడం తొలిసారేం కాదు. గతంలో ఇలాంటి సమస్యలు ఎదురయ్యాయని అధికారులు చెబుతున్నారు. ఇటువంటి సందర్భాల్లో విమానాన్ని గంటల తరబడి నిలిపివేసిన ఘటనలు ఉన్నాయని సిబ్బంది పేర్కొంటున్నారు. గతేడాది అహ్మదాబాద్- జైపూర్ గోఎయిర్ విమానంలో రెండు పావురాలు దూరిన ఘటన కలకలం రేపింది. పావురాల కారణంగా విమానం అరగంట ఆలస్యమయ్యింది. సిబ్బంది శ్రమించి వాటికి బయటకు పంపారు.

from Telugu News Live | Today News in Telugu | తాజా తెలుగు వార్తలు https://ift.tt/3rjCUWC