డేటింగ్ పేరుతో చీటింగ్.. రూ.8కోట్లు కొట్టేసిన సైబర్ నేరగాళ్లు

అందమైన అమ్మాయిలతో డేటింగ్ ఏర్పాటు చేస్తామంటూ యువకుల నుంచి రూ.కోట్లు కొట్టేసిన ముఠాను హైదరాబాద్‌ సైబర్ క్రైమ్ పోలీసులు అరెస్ట్ చేశారు. కేంద్రంగా కార్యకలాపాలు నిర్వహిస్తున్న ఈ ముఠా గుట్టురట్టు చేయడంతో వారి నిర్వాకాలు ఒక్కొక్కటిగా వెలుగులోకి వస్తున్నాయి. సుమారు రెండేళ్లుగా కొనసాగుతున్న వీరి దందాను ఎట్టకేలకు హైదరాబాద్ పోలీసులు బయటపెట్టారు. Also Read: కోల్‌కతాలకు చెందిన సోమా సర్కార్, అంబాసుర్, ఇమ్రాన్‌లు సులువుగా డబ్బులు సంపాదించాలన్న ఆశతో రెండేళ్ల క్రితం ‘లవ్ ఆర్ట్ డేటింగ్’ పేరుతో వెబ్‌సైట్ క్రియేట్ చేశారు. అందమైన అమ్మాయిలతో డేట్ ఏర్పాటుచేస్తామని ప్రకటించడంతో ఈ వెబ్‌సైట్‌కు యువకులు ఎగబడ్డారు. రిజిస్ట్రేషన్‌ పేరుతో వేల మంది నుంచి రూ. 1,025-18,000 మధ్య డబ్బులు గుంజుకున్నారు. డేటింగ్ కోరుకునే వారు ఎక్కడికి రావాలో చెబితే అక్కడికి అమ్మాయిని పంపిస్తామని ఊరించి రూ.లక్షల్లో వసూలు చేసేవారు. Also Read: వారి మాటలు నమ్మి డబ్బులు ఇచ్చిన వారు అమ్మాయి కోసం ఫోన్ చేయగానే.. ‘మీ వివరాలు అశ్లీల వెబ్‌సైట్లో కనిపిస్తున్నాయి. కోల్‌కతా పోలీసులు మీపై కేసులు పెట్టేందుకు సిద్ధమయ్యారు. మీరు అరెస్ట్ కాకుండా ఉండాలంటే కొంత సొమ్ము చెల్లించాలి’ అంటూ వేధించేవారు. ఈ ముఠా వలలో హైదరాబాద్‌కు చెందిన కొందరు యువకులు కూడా చిక్కుకున్నారు. వేధింపులు ఎక్కువ కావడంతో ఇద్దరు బాధితులు సైబర్ క్రైమ్ పోలీసులకు ఫిర్యాదు చేయడంతో ఈ ముఠా దందా వెలుగులోకి వచ్చింది. దీనిపై కేసు నమోదు చేసుకున్న ఇన్‌స్పెక్టర్‌ మోహన్‌రావు తన బృందంతో కోల్‌కతాకు వెళ్లి ఆదివారం వారిని అరెస్ట్ చేశారు. ఈ ముఠా ఇప్పటివరకు బాధితుల నుంచి రూ.8కోట్ల వరకు వసూలు చేసినట్లు తెలుస్తోంది. Also Read:

from Telugu News Live | Today News in Telugu | తాజా తెలుగు వార్తలు https://ift.tt/2Zmxhwf