హత్యాచారం కేసులో నిందితుడికి ఉరి!

ఏడేళ్ల బాలికపై రేప్ చేసి, దారుణంగా హత్య చేసిన వ్యక్తికి ఉరి శిక్ష విధిస్తూ తమిళనాడులోని కోయంబత్తూరు కోర్టు తీర్పు వెలువరించింది. ఈ ఏడాది మార్చి 31న తొండాముత్తూరు పరిధిలో ఓ ప్రాంతానికి చెందిన బాలికపై పన్నిమడైకి చెందిన ఓ వ్యక్తి అత్యాచారం చేసి, హత్య చేశాడు. దీంతో నిందితుడిని పోలీసులు అరెస్టు చేశారు. దీనిపై కొన్ని నెలలుగా వాదోపవాదనలు జరిగిన అనంతరం నిందితుడికి ఉరి శిక్ష ఖరారైంది. Also Read: పన్నిమడైకి చెందిన వ్యక్తికి గతంలోనే వివాహమైంది. అయితే పెళ్లి చేసుకున్న నెలకే భార్యకు విడాకులిచ్చాడు. తర్వాత ఈ ఏడాది జనవరి నుంచి తన అమ్మమ్మ ఇంట్లోనే ఉంటున్నాడు. అయితే అమ్మమ్మ నివాసానికి దగ్గర్లోనే ఓ ఇంట్లో ఏడేళ్ల బాలిక ఉండేది. ఓ రోజు బాలిక ఆడుకుంటుండగా మాయమాటలు చెప్పి తన ఇంటికి తీసుకెళ్లాడు. చిన్నారిపై అత్యాచారం చేసి దారుణంగా హతమార్చాడు. ఆ తర్వాత ఓ టీషర్టులో మృతదేహాన్ని చుట్టి సమీపంలోని ముళ్లపొదల్లో పడేసి పారిపోయాడు. చిన్నారి కనిపించడం లేదని తల్లిదండ్రులు ఫిర్యాదు చేయగా.. గాలింపు చేపట్టారు. ఈ నేపథ్యంలో ముళ్ల పొదల నుంచి వాసన రావడంతో వెళ్లి చూడగా.. చిన్నారి దారుణ హత్యకు గురై ఉంది. దీంతో కేసును సవాల్‌గా తీసుకున్న పోలీసులు వివిధ కోణాల్లో విచారించి.. ఎట్టకేలను నిందితుడిని అరెస్టు చేశారు. దీనిపై కోర్టులో వాదోపవాదనల తర్వాత నిందితుడిని దోషిగా నిర్ధారిస్తూ ఉరి శిక్ష విధించింది. Also Read:

from Telugu News Live | Today News in Telugu | తాజా తెలుగు వార్తలు https://ift.tt/2Q1MAVA