ప్రధాని నరేంద్ర మోదీలోని వైవిధ్య కోణం ఆవిష్కృతమైంది. మోదీతో కలిసి రూపొందించిన ఓ అరుదైన షో దేవంలో హాట్ టాపిక్గా మారింది. షో హోస్ట్ బియర్ గ్రిల్స్తో కలిసి .. దట్టమైన అడవిలో వణ్యప్రాణుల మధ్య గడిపారు. ప్రకృతిని కొత్త కోణంలో ఆస్వాదించినట్లు వెల్లడించారు. ఉత్తరాఖండ్లోని ప్రసిద్ధ జిమ్ కార్బెట్ అడవిలో షూట్ చేసిన ఈ కార్యక్రమాన్ని డిస్కవరీ ఛానెల్ ఆగస్టు 12 రాత్రి 9 గంటలకు ఇంగ్లిష్, తెలుగు సహా ఐదు భారతీయ భాషల్లో ప్రసారం చేయనుంది. అరణ్యంలో మోదీ సాహసాలను 180 ప్రపంచ దేశాలు వీక్షించనున్నాయి. ఈ కార్యక్రమానికి సంబంధించి 45 సెకన్ల నిడివి గల ప్రోమో వీడియోను షో ప్రజెంటర్ బియర్ గ్రిల్స్ సోమవారం (జులై 29) ట్విటర్ వేదికగా పంచుకున్నారు. దీంతో ఈ టాపిక్ వైరల్గా మారింది. ప్రధాని మోదీ జిమ్ కార్బెట్ అడవిలో సంచరించిన దృశ్యాలు ఆసక్తికరంగా ఉన్నాయి. బియర్స్తో కలిసి అడవిలో ప్రయాణిస్తూ.. మోదీ తన అనుభూతులను ఆయనతో పంచుకోవడం వీడియోలో కనిపించింది. వన్యప్రాణి సంరక్షణ, పర్యావరణ అంశాల మీద ప్రేక్షకులు దృష్టి సారించేలా రూపొందించిన ఈ కార్యక్రమం ఓ సాహస అరణ్యయాత్రలా సాగుతోంది. ‘మీరు భారతదేశంలో అత్యంత ముఖ్యమైన వ్యక్తి. మీకు రక్షణగా ఉండటం నా బాధ్యత’ అంటూ బియర్స్.. ప్రధాని మోదీ మీద జాకెట్ కప్పుతూ వీడియోలో కనిపించారు. ఎన్నో ఏళ్లు కొండల్లో, అడవుల్లో జీవించా.. ఈ షోలో పాల్గొనడం తనకు చాలా ఆసక్తికరంగా, ఉత్తేజంగా ఉందని మోదీ వెల్లడించారు. ‘నేను ఎన్నో ఏళ్లు కొండల్లో, అడవుల్లో జీవించాను. రాజకీయాలకు అతీతమైన జీవితం మీద దృష్టి కేంద్రీకరించే ఈ కార్యక్రమంలో పాల్గొనాలని నన్ను కోరినప్పుడు నేను నిజంగా ఎంతో సంతోషించాను. ఎంతో ఆసక్తిగా, ఉద్వేగంగా ఈ షోలో పాల్గొనేందుకు అంగీకరించాను’ అని మోదీ చెప్పారు. షో ప్రజెంటర్ బియర్ గ్రిల్స్పై ప్రధాని మోదీ ప్రశంసలు కురిపించారు. ఆయన అలుపెరుగని పరిశోధకుడని కితాబిచ్చారు. ‘స్వచ్ఛమైన, సహజ సౌందర్యంతో తొణికిసలాడే ప్రకృతిని అనుభవంలోకి తెచ్చుకునేందుకు ఆయన నిరంతరం శోధన చేస్తూనే ఉన్నాడు’ అని మోదీ పేర్కొన్నారు. భారతదేశంలోని అటవీ ప్రాంతంలో మోదీతో కలసి సాహసం చేయడం తనకు దక్కిన అరుదైన అవకాశం అని బియర్ గ్రిల్స్ తెలిపారు. ప్రపంచ నాయకుడితో కలసి కార్యక్రమం చిత్రీకరించే అవకాశం రావడం తనకు లభించిన అరుదైన గౌరవంగా పేర్కొన్నారు.
from Telugu News Live | Today News in Telugu | తాజా తెలుగు వార్తలు https://ift.tt/2LNZTbf
0 Comments