హైదరాబాద్ నగరాన్ని వదలని వర్షం.. మరో రెండు రోజులు భారీ వర్షాలు!

తెలంగాణలో మరో రెండు రోజుల పాటు భారీ నుంచి అతి భారీ వర్షాలు కురిసే అవకాశం ఉందని భారత వాతావరణ విభాగం తెలిపింది. ఉపరితల ఆవర్తన ద్రోణి, వాయువ్య బంగాళాఖాతంలో అల్పపీడనం ఏర్పడిన ప్రభావంతో.. హైదరాబాద్ నగరంలో సోమవారం ఉదయం నుంచి వర్షం కురుస్తూనే ఉంది. ఆది, సోమవారాల్లో రాష్ట్రంలోని పలు ప్రాంతాల్లో వర్షాలు కురిశాయి. హైదరాబాద్, వరంగల్, మెదక్, మంచిర్యాల, మహబూబాబాద్, కొత్తగూడెం, నాగర్ కర్నూల్ తదితర ప్రాంతాల్లో వర్షాలు పడ్డాయి. రానున్న రెండు రోజుల్లో కోస్తాంధ్రలోనూ వర్షాలు కురుస్తాయని వాతావరణ విభాగం తెలిపింది. పండుగ రోజు సెలవు కావడంతో హైదరాబాద్ నగరంంలో వాహనదారులకు ఇక్కట్లు తప్పాయి. కానీ ఖైరతాబాద్ మహాగణపతిని దర్శించుకోవడానికి వచ్చిన భక్తులు మాత్రం ఇబ్బంది పడ్డారు. ఖైరతాబాద్ పరిసర ప్రాంతాల్లో భారీగా ట్రాఫిక్ స్తంభించింది. వర్షం నిరంతరాయంగా కురవడంతో వినాయక మంటపాలను ఏర్పాటు చేసిన వారు ఒకింత ఇబ్బందికి గురయ్యారు. వాయవ్య బంగాళాఖాతంలో ఏర్పడిన అల్ప పీడనం కారణంగా కోస్తాంధ్రతోపాటు దేశంలోని తూర్పు ప్రాంతాల్లో వర్షాలు కురిసే అవకాశం ఉందని స్కేమెట్ తెలిపింది. దీని ప్రభావం 3-4 రోజులపాటు ఉంటుందని పేర్కొంది.

from Telugu News Live | Today News in Telugu | తాజా తెలుగు వార్తలు https://ift.tt/2MP5bUo