హైదరాబాద్‌లో నేడు భారీ వర్షం కురిసే ఛాన్స్.. ట్రాఫిక్ పోలీసుల హెచ్చరిక

గత కొద్ది రోజులుగా నగరాన్ని భారీ వర్షాలు వణికిస్తున్నాయి. గురువారం రాత్రి మూడు గంటల సమయంలోనే 14.6 మి.మీ. భారీ వర్షపాతం నమోదైంది. దీంతో నగరంలోని లోతట్టు ప్రాంతాలు జలమయం అయ్యాయి. రోడ్లన్నీ వరద నీటితో నిండిపోయాయి. భారీ వరదలో ద్విచక్ర వాహనాలు కొట్టుకుపోయాయి. ఆదివారం కూడా నగరంలో భారీ కురిసే అవకాశం ఉందని వాతావరణ శాఖ అధికారులు హెచ్చరిస్తున్నారు. నగరంలో ఆదివారం మోస్తరు నుంచి భారీ వర్షం కురిసే అవకాశం ఉందని, బయటకు వెళ్లేవారు అప్రమత్తంగా ఉండాలని హైదరాబాద్ సీపీ అంజన్ కుమార్ తెలిపారు. ట్రాఫిక్ పోలీసులు అప్రమత్తంగా ఉన్నారన్న ఆయన.. ప్రయాణాలు చేసేవాళ్లు జాగ్రత్తగా ఉండాలని సూచించారు. వర్షం కారణంగా ఇబ్బంది తలెత్తితే డయల్ 100కు కాల్ చేయాలని, 24 గంటలూ పోలీసులు సాయం చేస్తారని హైదరాబాద్ సిటీ పోలీస్ ట్విట్టర్ ఖాతా నుంచి ట్వీట్ చేశారు. ఈ సెప్టెంబర్ నెలలో హైదరాబాద్‌లో 110 మి.మీ. వర్షపాతం నమోదైంది. గత వందేళ్లలో సెప్టెంబర్ నెలలో భాగ్యనగరంలో ఈ స్థాయిలో వర్షం కురవడం ఇదే తొలిసారి మంత్రి కేటీఆర్ తెలిపారు.

from Telugu News Live | Today News in Telugu | తాజా తెలుగు వార్తలు https://ift.tt/2m71Iow