మహారాష్ట్ర: ముగ్గుర్ని చంపిన ఆ పెద్ద పులి.. ఇక నుంచి బోనుకే పరిమితం

మహారాష్ట్రలోని చంద్రపూర్ అడవుల్లో 2018 నుంచి ముగ్గుర్ని హతమార్చిన పెద్ద పులిని ఎట్టకేలకు శనివారం భోపాల్‌లోని వన్ విహార్‌కు చేర్చారు. అధికారులకు కంటిమీద కునుకులేకుండా చేసిన పులిని నిర్బంధంలోకి తరలించే అవకాశం ఉందని అధికార వర్గాలు వెల్లడించాయి. ఐదేళ్ల వయసున్న ఈ పులి.. మహారాష్ట్రలోని చంద్రపూర్ నుంచి మధ్యప్రదేశ్‌లోని బేతుల్ వరకు 510 కిలోమీటర్ల దూరం ప్రయాణించి, మార్గంలో ముగ్గుర్ని చంపింది. 2018 ఆగస్టు నుంచి డిసెంబరు మధ్య మధ్య కొత్త ప్రాంతానికి సంచరిస్తున్న ఈ పులిని సత్పురా టైగర్ రిజర్వ్ వద్దకు చేరింది. డిసెంబర్ 10, 2018న సర్ని ప్రాంతంలోని ఓ చెరువు దగ్గర దీనిని పట్టుకుని కన్హా జాతీయ పార్క్‌కు మార్చిన అధికారులు.. అక్కడ 45 రోజుల పాటు ఉంచారు. ప్రస్తుతం భోపాల్‌లోని వన్ విహార్‌కు మార్చగా.. అక్కడ మరో 14 పులులు ఉన్నాయి. కన్హా బృందం చేరుకుంది.. పులిని అదుపుచేయడానికి కొంత సమయం పడుతుంది.. దీనిపై బోనులో ఉంచాలా? వద్దా? అనే అంశాన్ని సీజేఏ నిర్ణయిస్తుందని వన్ విహార్‌ డైరెక్టర్ కమ్లికా మొహంత వెల్లడించారు. ఈ పులి 2018 అక్టోబర్ 19న మహారాష్ట్రలోని దస్తగిర్‌లో తొలిసారి ఓ వ్యక్తిని హతమార్చగా... అక్టోబర్ 22 న అంజన్సింగిలో మరో వ్యక్తిని చంపింది. ఈ రెండు దాడులు అమరావతి జిల్లాలోనే చోటుచేసుకున్నాయి. పశువులపై కూడా దాడిచేసి గాయపరిచింది. భోపాల్ నుంచి 200 కిలోమీటర్ల దూరంలో ఉన్న సత్పురా టైగర్ రిజర్వ్ సమీపంలో మూడవ హత్య జరిగింది. దీనిని రెండుసార్లు బేతుల్ వద్ద బంధించి సహజంగా అడవుల్లో సంచరించే అవకాశం కల్పించాం.. కానీ, అది మానవ నివాసాల వైపు కదులుతున్నట్లు గుర్తించాం. చంద్రపూర్ విద్యుత్ కేంద్రానికి సమీపంలో మానవ ఆవాసాలకు దగ్గరగా జన్మించిందని కన్హా ఫీల్డ్ డైరెక్టర్ ఎల్ కృష్ణమూర్తి అన్నారు. గతేడాది జనవరి 31న సత్పూరా టైగర్ రిజర్వ్‌కు తరలించారు. అయితే, 1 ఫిబ్రవరి 2019లో మరోసారి అడవిలో విడిచిపెట్టారు. అక్కడ రేడియో-కాలర్ ద్వారా దాని కదలికలను పరశీలించిన తర్వాత మరోసారి మానవ ఆవాసాల్లోకి వెళుతున్నట్టు నిర్ధారించారు. దీంతో దానిని అడవుల్లో ఉంచడం సురక్షితమని అధికారులు నిర్ణయించారు. శనివారం సాయంత్రం 5 గంటలకు కన్హా నుంచి భోపాల్‌కు తరలించారు. దీనిని అటవీ అధికారులు ఇక్కడ నిశితంగా పరిశీలిస్తున్నారు.

from Telugu News Live | Today News in Telugu | తాజా తెలుగు వార్తలు https://ift.tt/30geqCX