‘ప్రేమ పేరుతో వాడుకుని వదిలేశాడు’.. మహిళ ఫిర్యాదుతో సినీ హీరో అరెస్ట్

ప్రేమ పేరిట సహాయ నటిని నమ్మించి లైంగిక వాంఛలు తీర్చుకుని మొహం చాటేసిన తమిళ నటుడిని చెన్నై పోలీసులు అరెస్ట్ చేశారు. చెన్నై రాజా అన్నామలైపురానికి చెందిన త్యాగరాజన్‌ (32) ‘తరిసూలం’ అనే తమిళ సినిమాలో హీరోగా నటించాడు. ‘నాడోడిగళ్‌’ సినిమాలో సహాయ నటి పాత్ర పోషించిన మహిళతో అతడికి కొంతకాలం క్రితం పరిచయం ఏర్పడింది. వయసులో తన కంటే పెద్దదైన ఆమెతో ప్రేమంటూ నాటకమాడి ఆమెను తన వెంట తిప్పుకున్న త్యాగరాజన్.. పెళ్లి చేసుకుంటానని నమ్మించి కొద్దిరోజులు సహజీవనం చేశాడు. ఈ క్రమంలోనే ఆమెతో లైంగిక వాంఛలు తీర్చుకోవడంతో పాటు భారీ మొత్తంలో నగదు తీసుకున్నాడు. Also Read: ఇటీవల త్యాగరాజన్‌కి చెన్నై కార్పొరేషన్‌లో ఉద్యోగం వచ్చింది. అప్పటి నుంచి సహాయనటితో మాట్లాడటం మానేశాడు. దీంతో ఆ మహిళ గట్టిగా నిలదీయగా.. ‘నువ్వు నాకంటే వయసులో ఏడాది పెద్దదానివి. అందువల్ల మా పేరెంట్స్ పెళ్లికి ఒప్పుకోరు. నువ్వే వేరొకరిని పెళ్లి చేసుకో’ అంటూ సలహా ఇచ్చాడు. మరోసారి తన వెంట పడితే చంపేస్తానని ఆమెను బెదిరించాడు. దీంతో బాధితురాలు చెన్నైలోని మాంబలం మహిళా పోలీస్‌స్టేషన్లో ఫిర్యాదు చేసింది. త్యాగరాజన్‌పై కేసు నమోదు చేసి పోలీసులు గురువారం అతడిని అరెస్ట్ చేసి కోర్టులో హాజరుపరిచారు. న్యాయస్థానం రిమాండ్ విధించడంతో పుళల్ జైలుకు తరలించారు. Also Read:

from Telugu News Live | Today News in Telugu | తాజా తెలుగు వార్తలు https://ift.tt/2BWD1T6