మీరిచ్చిన చెక్ బౌన్స్ అయితే... ఇకపై క్రిమినల్ నేరం కాదు ?

చెక్ బౌన్స్‌ను నేరంగా పరిగణించకూడదని కేంద్రం భావిస్తోంది. చెక్‌ బౌన్స్‌, రుణాల చెల్లింపుల్లో జాప్యం తదితర చిన్నచిన్న నేరాలకు సంబంధించి వివిధ చట్టాలను సడలించే ప్రతిపాదనల్ని కేంద్ర ఆర్థిక మంత్రిత్వ శాఖ చేసింది. కరోనా వైరస్‌ నేపథ్యంలో ఏర్పడిన సంక్షోభ పరిస్థితులు దేశంలో వ్యాపార నిర్వహణను సంక్లిష్టం చేసిన విషయం తెలిసిందే. ఈ క్రమంలోనే వ్యాపార, పారిశ్రామిక రంగాలకు ఊరటనిచ్చేలా, ఆర్థికపరమైన అంశాల్లో వారిపై ఉన్న ఒత్తిడిని తగ్గించే దిశగా కేంద్రం అడుగులు వేస్తోంది. అందులో భాగంగానే పలు కీలక చర్యలు తీసుకుంటుంది. ప్రస్తుతం నేరాలుగా పరిగణించబడుతున్న వాటిని డీక్రిమినలైజ్‌ చేస్తూ 19 చట్టాల్లో ఆర్థిక మంత్రిత్వ శాఖ సవరణల్ని ప్రతిపాదించింది. Read More: వీటిలోని పలు సెక్షన్లను తొలగించాల్సిన అవసరం ఉన్నదని అభిప్రాయపడింది. ఈ నిర్ణయంపై ఈ నెల 23లోగా స్పందించవచ్చని వివిధ భాగస్వాములకు స్పష్టం చేసింది. వీరి స్పందనల ఆధారంగా ఆర్థిక సేవల శాఖ ఓ నిర్ణయానికి రానుంది. కరోనా కాటుకు బలైపోయిన దేశ ఆర్థిక వ్యవస్థను ఆదుకోవడంలో భాగంగా గత నెల ‘ఆత్మనిర్భర్‌ ఆర్థిక ప్యాకేజీ’ని కేంద్రం ప్రకటించిన సంగతి తెలిసిందే. ఈ సందర్భంగా ఈ చట్టాల సవరణను ఆర్థిక శాఖ మంత్రి నిర్మలా సీతారామన్‌ అప్పుడే ప్రస్తావించారు. గతంలో ఉన్న చట్టాలను సవరించేందుకు సిద్ధమైంది. చిన్న చిన్న ఆర్థిక ఉల్లంఘనలను ఇకపై క్రిమినల్ నేరంగా భావించరాదని కేంద్రం భావిస్తోంది. డీ క్రిమినలైజేషన్‌లో భాగంగా 19 చట్టాల్లో సవరణలకు పూనుకున్నారు. దీనికి సంబంధించి అభిప్రాయ సేకరణకు అధికారులు సిద్ధమయ్యారు. ఈ నెల 23 వరకు వచ్చిన అభిప్రాయాల ఆధారంగా సవరణలు చేయనున్నారు. Read more: ఈ సవరణలో బ్యాంకు ఖాతాలో సరిపడినంత నగదు లేకుండా ఇచ్చే అయితే అది క్రిమినల్ కేసుగా పరిగణించరాదని కూడా ఉంది. వీటితో పాటు బ్యాంకులకు రుణాల చెల్లింపు నిబంధనలను పాటించని వారిపైనా నేరపూరిత అభియోగాలను మోపరాదని పేర్కొంది. చిన్న, చిన్న వాటిని నేరంగా చూడకూడదని అభిప్రాయపడింది. కాగా నెగోషియబుల్ ఇన్ స్ట్రమెంట్స్ యాక్ట్ 1881 ప్రకారం , చెక్ బౌన్స్ కేసులో రెండేళ్ల వరకూ జైలుశిక్ష లేదా చెక్ మొత్తానికి రెట్టింపు జరిమానా విధించే అవకాశం ఉండేది. కానీ ఇకపై దీంట్లో సవరణలు తేవాలని కేంద్ర ప్రభుత్వం భావిస్తోంది.

from Telugu News Live | Today News in Telugu | తాజా తెలుగు వార్తలు https://ift.tt/3cOzao5