వివాహితతో యువకుడి సంబంధం.. పొరుగింటి వాళ్లకు తెలియడంతో, షాకింగ్ ట్విస్ట్!

23 ఏళ్ల ఓ యువకుడు 35 మహిళతో వివాహేతర సంబంధం పెట్టుకున్నాడు. ఆ మహిళకు అప్పటికే పెళ్లై ఓ కుమార్తె కూడా ఉంది. వారి అక్రమ సంబంధం గురించి తెలుసుకున్న ఆ మహిళ ఇరుగుపొరుగు వాళ్లు సదరు యువకుడిని బ్లాక్ మెయిల్ చేయడం ప్రారంభించారు. అడిగినంత ఇవ్వకపోతే బండారం బయట పెడతామని బెదిరించారు. ఆ యువకుడు తన బైక్, ఇతర వస్తువులు అమ్మేసి వాళ్లకు డబ్బులు ఇచ్చాడు. అయినా వేధింపులు ఆపకపోవడంతో ఆత్మహత్య చేసుకున్నాడు. కర్ణాటక రాజధాని బెంగళూరులో శనివారం (మార్చి 27) ఈ ఘటన చోటు చేసుకుంది. మృతుడు యతీశ్ సోదరి గాయత్రి ఫిర్యాదు మేరకు పోలీసులు కేసు నమోదు చేసి దర్యాప్తు ప్రారంభించారు. ఫిర్యాదులో పేర్కొన్న వివరాల ప్రకారం.. యతీశ్ కొంత కాలంగా 35 ఏళ్ల మహిళతో సంబంధం కొనసాగిస్తున్నాడు. ఆ మహిళ భర్త తాగొచ్చి ఆమెను తీవ్రంగా హింసించేవాడు. యతీశ్ ఆమెకు అండగా నిలిచాడు. ఈ క్రమంలో వారి మధ్య శారీరక బంధం ఏర్పడింది. ఆ తర్వాత ఆమె తన భర్తను వదిలేసి విడిగా ఉంటోంది. మహిళతో యతీశ్ సంబంధం కొనసాగిస్తున్న విషయం ఆమె పొరుగిళ్లలో నివాసం ఉండే రామచంద్ర, చేతన్, తేజకు తెలిసింది. దీంతో వాళ్లు యతీశ్‌ను డబ్బుల కోసం వేధించారు. అడిగినంత ఇవ్వకపోతే వాళ్లిద్దరి విషయం గురించి అందరికీ చెప్తామంటూ బెదిరించారు. యతీశ్ ఇప్పటికే వారికి పెద్ద మొత్తంలో డబ్బు ఇచ్చినట్లు అతడి సోదరి గాయత్రి తెలిపింది. అయినప్పటికీ వాళ్లు వేధింపులు ఆపకపోవడంతో తీవ్ర ఒత్తిడికి గురైన యతీశ్ డిప్రెషన్‌కు లోనయ్యాడని గాయత్రి వెల్లడించింది. దీంతో కఠిన నిర్ణయం తీసుకున్నాడని పేర్కొంది. ఈ ఘటనలో షాకింగ్ ట్విస్టు ఏమిటంటే.. ఆ మహిళ ప్రోద్బలంతోనే వాళ్లు యతీశ్‌ను వేధించారట. డబ్బులు వసూలు చేయడానికి వాళ్లతో కలిసి ఆ మహిళ నాటకం ఆడిందని గాయత్రి ఆరోపించింది. తన సోదరుడు ఆ విషయాన్ని ఆలస్యంగా గుర్తించాడని.. ఆ తర్వాత తాను చేసిన పొరపాటుకు చాలా కుమిలిపోయాడని ఆమె తెలిపింది. తన సోదరుడి మరణానికి కారణమైన ఆ మహిళతో పాటు ముగ్గురు వ్యక్తులపై తగిన చర్యలు తీసుకోవాలని గాయత్రి డిమాండ్ చేసింది. Must Read: ✦ ✦

from Telugu News Live | Today News in Telugu | తాజా తెలుగు వార్తలు https://ift.tt/3rsr2Ro