ట్రంప్ యాప్ వచ్చేస్తోంది.. యాపిల్ యాప్ స్టోర్‌లో ట్రూత్ సోషల్

అమెరికా మాజీ అధ్యక్షుడు డొనాల్డ్ ట్రంప్ వచ్చేస్తుంది. ఆ యాప్ సోమవారం యాపిల్ యాప్ స్టోర్‌లో అందుబాటులోకి రానుంది. ఈ యాప్ ఇటీవల రూపొందించిన ట్రంప్ మీడియా అండ్ టెక్నాలజీ గ్రూప్ యాజమాన్యం ఆధ్వర్యంలో పనిచేయనుంది. ఈ యాప్ ట్విట్టర్‌లా ఉంటుంది. దీనిద్వారా ట్రెండింగ్‌లో ఉన్న అంశాలను తెలుసుకోవచ్చు. అలాగే ఎవరినైనా ఫాలో అవ్వొచ్చు. ఈ యాప్‌ను "ప్రస్తుతం ఆపిల్ యాప్ స్టోర్‌లో ఫిబ్రవరి 21న విడుదల చేయడానికి సిద్ధంగా ఉన్నాము" అని దానికి సంబంధించిన ఎగ్జిక్యూటివ్ వెల్లడించారు. ఇప్పటికే ట్రూత్ సోషల్ యాప్‌లో ట్రంప్ ఫస్ట్ మెసెజ్ ఇదేనంటూ ట్రంప్ పెద్ద కుమారుడు ట్విట్టర్‌లో ఓ పోస్ట్ పెట్టాడు. ఆ యాప్‌లోని ట్రంప్ మెసెజ్ స్క్రీన్ షాట్‌ను షేర్ చేశాడు. సిద్ధంగా ఉండండి.. మీకు ఇష్టమైన అధ్యక్షుడు త్వరలో మిమ్మల్ని కలుస్తారంటూ ఓ కామెంట్ కూడా పెట్టాడు. ట్రంప్ మద్దుతుదారులు క్యాపిటల్ భవనంపై దాడి చేసిన ఘటన తర్వాత ట్రంప్ పోస్టులను ప్రముఖ సోషల్ మీడియా ఫ్లాట్ ఫాంలు బ్యాన్ చేశాయి. అతని పోస్టులు హింసను ప్రేరేపించేవిగా ఉన్నాయంటూ ఆరోపించాయి. దాంతో ఆ బిగ్ టెక్ దౌర్జన్యాన్ని ఎదిరించేందుకు ట్రంప్ తనే సొంతంగా సోషల్ ఫ్లాట్ ఫామ్‌ను ప్రారంభిస్తానని ప్రకటించారు. అన్నట్టుగానే గతేడాది అక్టోబర్‌లో సొంత సోషల్ ప్లాట్ ఫాం లాంచ్ చేస్తున్నట్టు వెల్లడించారు.

from Latest News in Telugu | Telugu Breaking News | బ్రేకింగ్ న్యూస్ Telugu | Samayam Telugu https://ift.tt/2csGOTP