భర్త హెచ్చరికలను పట్టించుకోకుండా భార్య వేళ కాని వేళల్లో ఇతరులకు ఫోన్‌లు చేయడం కిందకే వస్తుందని వ్యాఖ్యానించింది. ఓ విడాకుల కేసులో కోర్టు ఈ విధమైన వ్యాఖ్యలు చేసింది. వ్యభిచారం, క్రూరత్వం కారణంగా తమ పెళ్లిని రద్దు చేయాలంటూ భర్త గతంలో దాఖలు చేసిన పిటిషన్‌ను కొట్టివేసిన ఫ్యామిలీ కోర్టు తీర్పును సవాల్ చేస్తూ ఆ వ్యక్తి హైకోర్టును ఆశ్రయించాడు. దీనిపై విచారణలు జరిపిన కోర్టు ఆ జంటకు విడాకుల డిక్రీని మంజూరు చేస్తూ తీర్పు చెప్పింది. అయితే భార్య వేరొక మగవాడితో ఫోన్ ద్వారా మాట్లాడినట్టు సాక్ష్యాలు ఉన్నంత మాత్రాన ఆ భార్య వ్యభిచారానికి పాల్పడినట్లు చెప్పడానికి అది తగిన ఆధారం కాదని హైకోర్టు తెలిపింది. అయితే ఇద్దరి మధ్య కొనసాగుతున్న వైవాహిక విభేదాలు, ఇంతకు ముందు మూడుసార్లు విడిపోయి అనేక కౌన్సెలింగ్ సెషన్‌ల తర్వాత తిరిగి కలుసుకున్న నేపథ్యంలో భార్య ప్రవర్తన విషయంలో మరింత అప్రమత్తంగా ఉండి ఉండవల్సిందని కోర్టు పేర్కొంది. కాగా వీరిద్దరికి ఒక బిడ్డ కూడా ఉంది. తమపై దాడి చేశారని ఆరోపిస్తూ భర్త, అతని కుటుంబ సభ్యులపై భార్య ఫిర్యాదు చేయడంతో ఈ దంపతుల మధ్య కలహాలు ప్రారంభమయ్యాయి. అలాగే వారి పెళ్లికి ముందు నుంచి ఆఫీసు‌లో మరొక వ్యక్తితో భార్య సంబంధం పెట్టుకున్నట్టు భర్త అనుమానిస్తున్నాడు. ఈ క్రమంలో వివాహేతర సంబంధ కోణాన్ని కోర్టు కొట్టి వేసింది. కానీ భర్త మాటలను వినకుండా వేరే వ్యక్తితో ఫోన్‌లో మాట్లాడడం వైవాహిక క్రూరత్వం కిందకు వస్తుందని తెలిపింది.
from Latest News in Telugu | Telugu Breaking News | బ్రేకింగ్ న్యూస్ Telugu | Samayam Telugu https://ift.tt/Kv8clSh
No comments:
Post a Comment