క్షిపణి దాడులు, బాంబుల మోత.. యుద్ధ సైరన్ల మధ్య ఉక్రెయిన్ రాజధాని కీవ్లో ఓ జంట ఒక్కటయ్యింది. ఉక్రెయిన్పై రష్యా భీకర దాడులు కొనసాగుతున్నా యారినా అరివా, స్వ్యటోస్లావ్ ఫర్సిన్ అనే జంట చర్చిలో వివాహం చేసుకుంది. వైమానిక దాడులు, బాంబుల మోతతో కీవ్ నగరంలో దట్టమైన పొగ వ్యాపించినా తమ పెళ్లికి ఇవేం తమ పెళ్లిని ఆపలేకపోయాయని నిరూపించారు. రష్యా సేనల దాడితో పరిస్థితి భయానకంగా ఉన్నా తాము తమ భూమి కోసం పోరాడుతున్నామని వరుడు అరివా చెప్పారు. ‘‘యుద్ధం వల్ల బహుశా మేం ప్రాణాలు కోల్పోవచ్చు.. కానీ, మేమిద్దరం అన్నింటికీ ముందు కలిసి ఉండాలని అనుకుంటున్నాం’’ అని దాడుల మధ్యే వివాహం చేసుకోవడం గురించి యారినా అరివా (21), స్వ్యటోస్లావ్ ఫర్సిన్ (24)లు చెప్పారు. రష్యా దండయాత్ర నేపథ్యంలో చర్చిలో నిరాడంబరంగా వివాహం చేసుకున్నారు. మా జీవితంలో అత్యంత సంతోషకరమైన సమయంలో చాలా భయాందోళనకు గురయ్యామని అరివా అన్నారు. వాస్తవానికి మే 6న ఓ రెస్టారెంట్లో వివాహం చేసుకోవాలని భావించామని, అప్పటి వరకూ ప్రాణాలతో ఉంటామో లేదోనని ముందుగానే ఒక్కటయ్యామన్నారు. ఇక, 2019 అక్టోబరున నిరసనల సందర్భంగా కీవ్లో తామిద్దరం కలుసుకున్నామని, తొలి చూపులో ప్రేమ చిగురించిందని ఈ జంట తెలిపింది. సాఫ్ట్వేర్ ఇంజినీర్ అయిన స్వ్యటోస్లావ్ ఫర్సిన్.. వివాహం అయిన వెంటనే రష్యాతో యుద్ధానికి సైనికులు సాయంగా వెళ్లడం గమనార్హం. ఇద్దరూ స్థానికంగా ఉన్న టెరిటోరియల్ డిఫెన్స్ సెంటర్కు వెళ్లి ఆయుధాలను చేతబట్టారు. ‘‘మమ్మల్ని మేము రక్షించుకుంటాం.. మా ప్రజలను రక్షించుకుంటాం.. మా భూమిని కాపాడుకుంటాం.. నేను మంచి కోసం ఆశిస్తున్నాను.. కానీ నా భూమిని రక్షించుకోవడానికి నేను చేయగలిగినదంతా చేస్తాను.. బహుశా సైన్యం మాకు కవచం ఇస్తుంది.. మేము వెళ్లి పోరాడతాం..మరేదైనా సహాయం చేస్తాం.. వాళ్లే నిర్ణయిస్తారు’’ అని ఆమె అన్నారు. ఫర్సిన్ తనకు భూమిపై అత్యంత సన్నిహిత మిత్రుడని అభివర్ణించింది.. ఏదో ఒక రోజు తమ వివాహాన్ని సంబరాన్ని జరుపుకుంటామని ఆశిస్తున్నానని చెప్పింది. రష్యా తమ దేశం నుంచి వెళ్లిపోయి సాధారణ పరిస్థితులు నెలకుంటే వేడుకలు చేసుకుంటామని పేర్కొంది. ‘అంతా సర్ధుకుంటుంది.. మా భూమి మాకు ఉంటుందని నేను ఆశిస్తున్నాను.. రష్యన్లు లేకుండా దేశం సురక్షితంగా, సంతోషంగా ఉంటుంది.’’ అని ఆశాభావం వ్యక్తం చేసింది.
from Latest News in Telugu | Telugu Breaking News | బ్రేకింగ్ న్యూస్ Telugu | Samayam Telugu https://ift.tt/Bykpo5w
0 Comments