సోషల్మీడియా ద్వారా పరిచయమైన యువతిని వేధిస్తున్న వ్యక్తిని ముంబై పోలీసులు అరెస్ట్ చేశారు. ఛాటింగ్ సమయంలో యువతి న్యూడ్ వీడియో రికార్డ్ చేసిన అతడు దాన్ని అడ్డం పెట్టుకుని డబ్బుల కోసం వేధిస్తున్నాడు. తాను అడిగినంత డబ్బు ఇవ్వకపోతే ఆ వీడియో సోషల్మీడియాలో పెడతానని బెదిరించడంతో పాటు ఆమె స్నేహితులకు ఈ విషయం చెప్పి బెదిరించసాగాడు. ముంబైలోని పావయ్ ప్రాంతానికి చెందిన ఓ యువతికి రాజస్థాన్కు చెందిన జితెన్ అనే యువకుడితో సోషల్మీడియాలో పరిచయమైంది. దీంతో వారిద్దరు తరుచూ ఛాటింగ్ చేసుకుంటూ అన్ని విషయాలు మాట్లాడుకునేవారు. చనువు పెరగడంతో వీడియో కాల్ కూడా చేసుకునేవారు. ఓ రోజు వీడియో కాలింగ్ చేస్తున్న సమయంలో యువతిని దుస్తులు తొలగించాల్సిందిగా జితెన్ కోరడంతో ఆమె అలాగే చేసింది. ఆ తతంగాన్నంతా సెల్ఫోన్లో రికార్డ్ చేసిన జితెన్ అప్పటి నుంచి ఆమెను వేధించడం మొదలుపెట్టాడు. యువతి ఫ్రెండ్కు ఫోన్ చేసిన తన దగ్గర న్యూడ్ వీడియో ఉందని, రూ.5వేలు పంపిస్తే దాన్ని షేర్ చేస్తానని బేరం పెట్టాడు. ఈ విషయాన్ని ఫ్రెండ్ యువతికి చెప్పడంతో ఆమె జితెన్ను సంప్రదించింది. తన వీడియో డిలీట్ చేయాలని కోరగా రూ.70వేలు డిమాండ్ చేశాడు. దీనికి తోడు తన కోరిక తీర్చాలని కూడా వేధించడంతో ఆమె పోవయ్ పోలీసులను ఆశ్రయించింది. దీంతో కేసు నమోదు చేసుకున్న సైబర్ క్రైమ్ పోలీసులు అతడిపై నిఘా పెట్టి ఈ నెల 13వ తేదీన అరెస్ట్ చేశారు. అతడి నుంచి స్వాధీనం చేసుకున్న సెల్ఫోన్లో అనేక ముంది యువతుల న్యూడ్ వీడియోలు ఉన్నట్లు గుర్తించారు. అమ్మాయిలు సోషల్మీడియాలో హద్దులు దాటితే ఈ ఇబ్బందులే వస్తాయని పోలీసులు హెచ్చరిస్తున్నారు.
from Telugu News Live | Today News in Telugu | తాజా తెలుగు వార్తలు https://ift.tt/2Ly0tIS
0 Comments