సెప్టెంబర్ 2న జనసేన అధినేత జన్మదినం. అదే రోజున పదేళ్ల క్రితం వైఎస్ రాజశేఖర రెడ్డి హెలికాప్టర్ ప్రమాదంలో ప్రాణాలు కోల్పోయారు. ఏపీ రాజకీయాల్లో నెలకొన్న పరిస్థితుల కారణంగా వైఎస్ఆర్సీపీ, జనసేన పార్టీల మధ్య ఉప్పు నిప్పులా పరిస్థితి ఉంది. రాజధాని గురించి ప్రభుత్వంలో చర్చ జరుగుతోందంటూ మంత్రి బొత్స సత్యనారాయణ ఇటీవల చేసిన వ్యాఖ్యలు సంచలనం అయిన సంగతి తెలిసిందే. రాజధానిని మార్చొద్దంటూ జనసేన సహా అన్ని పార్టీల నేతలు గళం విప్పారు. పవన్ కళ్యాణ్ ఓ అడుగు ముందుకేసి రెండ్రోజులపాటు రాజధాని ప్రాంతంలో పర్యటించి.. రైతులతో భేటీ అయ్యారు. ఈ సందర్భంగా మంత్రి బొత్స సత్యనారాయణ మీద, వైఎస్ఆర్సీపీ అధికారంలోకి రావడం మీద ఆసక్తికర వ్యాఖ్యలు చేశారు. కాల మహిమో, ఈవీఎంల మహిమో.. అన్నట్టుగా పవన్ చేసిన వ్యాఖ్యలు రాజకీయాల్లో సంచలనంగా మారాయి. జనసేనానికి వ్యాఖ్యలకు వైఎస్ఆర్సీపీ నేతలు, అభిమానులు ఘాటుగా బదులిస్తున్నారు. పవన్ కళ్యాణ్ పుట్టిన రోజున ఈ విషయం స్పష్టంగా అర్థమైంది. #HappyBirthdayPawanKalyan అనే హ్యాష్ ట్యాగ్తోపాటు #HappyBirthdayPawalaKalyan అనే హ్యాష్ ట్యాగ్ కూడా ట్రెండ్ అయ్యింది. ఈ హ్యాష్ ట్యాగ్ను సరిగా చూసుకొని కొందరు సెలబ్రిటీలు కూడా ‘హ్యాపీ బర్త్ డే పావలా కళ్యాణ్’ అంటూ విష్ చేశారు. తర్వాత కొందరు తప్పిదాన్ని గ్రహించి ట్వీట్ను డిలీట్ చేశారు. జనసేనానిని వైఎస్ఆర్సీపీ శ్రేణులు ఓ రేంజ్లో చేసిన సమయంలోనే.. పవన్ ఫ్యాన్స్ కూడా ఆ పార్టీని, సీఎం జగన్ను ట్రోల్ చేశారు. #పావురాళ్ళగుట్టలోపావురం, #10YearsForHELICOPTERSHOT అనే హ్యాష్ ట్యాగ్లతో వైఎస్ వర్ధంతి సందర్భంగా జనసేన అభిమానులు ట్వీట్లు చేశారు. సీఎం జగన్ను ఉద్దేశించి #EvmCMYSJagan, #BJPSlaveYSJagan అంటూ భారీ సంఖ్యలో ట్వీట్లు పెట్టారు. ఒక పార్టీ అధ్యక్షుడిగా పోటీ చేసి.. రెండు చోట్లా పోటీ చేసి ఓడిపోయి.. భారత దేశ రాజకీయ చరిత్రనే తిరగరాసిన మహానుభావా.. అని పవన్ కళ్యాణ్ను ఎద్దేవా చేస్తూ వైఎస్ఆర్సీపీ ఫ్యాన్స్ ట్వీట్లు పెట్టగా.. ఓ పార్టీని అద్దెకు తెచ్చుకొని, ఆ పార్టీ వ్యవస్థాపకుడినే సస్పెండ్ చేసి... అంటూ పవన్ ఫ్యాన్స్ కౌంటర్ అటాక్ చేశారు. ముఖ్యమైన రోజున తమ నాయకుడిని స్మరించుకోవడం, తమ నాయకుడికి అభినందనలు తెలపడం లాంటి పరిస్థితిని దాటేసిన వైఎస్ఆర్సీపీ, జనసేన అభిమానులు.. ఇలా ఒకరిపై మరొకరు నిందారోపణలకు దిగడం బాధాకరం.
from Telugu News Live | Today News in Telugu | తాజా తెలుగు వార్తలు https://ift.tt/2PSIWzp
0 Comments